Abşeronda zavodda bədbəxt hadisə nəticəsində əcnəbi vətəndaşın ölməsi ilə bağlı araşdırma aparılır - YENİLƏNİB

Abşeronda zavodda bədbəxt hadisə nəticəsində əcnəbi vətəndaşın ölməsi ilə bağlı araşdırma aparılır - YENİLƏNİB
MƏHƏBBƏT ALLAHVERDİYEV azturktv.az
Abşeronda zavodda ölən və xəsarət alan şəxslərin Hindistan vətəndaşları olduğu müəyyənləşib.

Bu barədə "Report"a Baş Prokurorluğun Mətbuat xidmətindən məlumat verilib.

Bildirilib ki, yanvarın 13-də saat 8 radələrində Abşeron rayonunun Pirəkəşkül qəsəbəsi ərazisində külək turbinlərinin quraşdırılması işləri zamanı 2003-cü il təvəllüdlü, Hindistan vətəndaşı Harı Prakashi aldığı xəsarətlərdən xəstəxanada ölüb, həmyerlisi, 1982-ci il təvəllüdlü Thattaru Padikkal isə xəsarətlər alaraq xəstəxanaya yerləşdirilib.

Faktla bağlı Abşeron Rayon Prokurorluğunda araşdırma aparılır.

11:29
Abşeronda Pakistan vətəndaşı bədbəxt hadisə nəticəsində ölüb.

azturktv.az xəbər verir ki, hadisə rayon ərazisində yerləşən zavodlardan birində qeydə alınıb.

Belə ki, zavodda fəhlə işləyən Pakistan vətəndaşı, 2003-cü il təvəllüdlü Harı Prakashinin üzərinə hava pəri aşıb. O, aldığı xəsarətlərdən aparıldığı xəstəxanada ölüb.

Digər Pakistan vətəndaşı olan fəhlə isə Sumqayıtdakı xəstəxanaya yerləşdirilib. O, ilkin tibbi yardım göstərildikdən sonra evə buraxılıb.

Faktla bağlı araşdırma aparılır.