Tanınmış bəstəkar Vaqif Gərayzadənin doğum günüdür

MƏHƏBBƏT ALLAHVERDİYEV azturktv.az
Bu gün tanınmış bəstəkar Vaqif Gərayzadənin doğum günüdür.

Vaqif Gərayzadə 27 mart 1961-ci ildə Bakı şəhərində anadan olub.

O, ilk musiqi təhsilini 1971-1976-cı illərdə Bakının Bakıxanov qəsəbəsindəki 4 saylı 5 illik musiqi məktəbinin fortepiano sinfində alıb.

1983-1987-ci illərdə Azərbaycan Dövlət İncəsənət İnstitutunun kütləvi tamaşalar rejissoru fakültəsini bitirən V.Gərayzadə 1993-1997-ci illərdə təhsilini bu ali məktəbin aspiranturasında davam etdirib.

Azərbaycan Dövlət Konsert Birliyində, Filarmoniyada işləyib. Mədəniyyət və İncəsənət Universiteti mədəniyyət tarixi və nəzəriyyəsi kafedrasının müəllimi, həmçinin estrada populyar musiqi kafedrasının təşəbbüskarı və ilk müdiri olub.

Vaqif Gərayzadə müxtəlif janrlarda, o cümlədən caz, pop janrında əsərlərin müəllifidir. Bir sıra beynəlxalq festival və müsabiqələrin laureatı, “Aypara”, “W-trio”, “Şeron” musiqi qruplarının yaradıcısı, “Şərq ulduzları” və “Şərq çırağı” vokal qruplarının rəhbəri olub.

Azərbaycan Respublikası Prezidentinin 15 sentyabr 2011-ci il tarixli fərmanı ilə “Azərbaycan Respublikasının Əməkdar incəsənət xadimi” fəxri adına layiq görülüb.

Bir çox hit musiqilərin müəllifi olan bəstəkar Azərbaycan estradasında Brilliant Dadaşovanın, Zülfiyyə Xanbabayevanın, Aygün Kazımovanın, Röyanın və bir çox tanınmış müğənnilərin yetişməsində böyük rol oynayıb.

Ailəlidir, 2 övladı var.

Bu gün Vaqif Gərayzadənin doğum günüdür

27.03.23 21:10

gundem / medeniyyet

Bu gün Azərbaycan cazının banisi Vaqif Mustafazadənin doğum günüdür

16.03.23 21:47

gundem / medeniyyet