Yunan-Roma güləşi üzrə Azərbaycan millisi Avropa ikincisi olub - YENİLƏNİB + FOTO

MƏHƏBBƏT ALLAHVERDİYEV azturktv.az
Yunan-Roma güləşi üzrə Azərbaycan millisi Albaniyanın paytaxtı Tiranada keçirilən U-17 Avropa çempionatını 6 medalla başa vurub.

“Report”un məlumatına görə, yığma 118 xal toplayaraq komanda hesabında 2-ci yeri tutub. Kollektiv yalnız Gürcüstandan (185 xal) geri qalıb.

Qeyd edək ki, yunan-Roma güləşçilərindən Turan Daşdəmirov (45 kq) qızıl, Elnar Ziyadov (48 kq), Əli Seyidəlili (51 kq), Ayxan Cavadov (55 kq), Elmin Əliyev (80 kq) və Mahir Qurbanlı (110 kq) isə bürünc medal qazanıblar.

21:38

Azərbaycanın yunan-Roma güləşçisi Əli Seyidəlili Albaniyanın paytaxtı Tiranada keçirilən U-17 Avropa çempionatında bürünc medal qazanıb.
azturktv.az-nin məlumatına görə, 51 kq-da çıxış edən idmançı 3-cü yer uğrunda görüşdə belaruslu Maksim Zaxarova 3:1 hesabı ilə qalib gəlib.

Azərbaycanın yunan-Roma güləşçisi Turan Daşdəmirov Albaniyanın paytaxtı Tiranada keçirilən U-17 Avropa çempionatında final görüşünə çıxıb.
45 kq çəki dərəcəsində mübarizə aparan idmançı həlledici qarşılaşmada rusiyalı Rustem Abatsiyevi sınağa çəkib.

Rəqibinə 7:4 hesabı ilə qalib gələn Daşdəmirov qitə çempionu olub.

Bu gün həmçinin Əli Seyidəlili (51 kq) və Nurlan İbadzadə (60 kq) bürünc medal görüşünə çıxacaqlar.

Qadın güləşçilərdən isə Ruzanna Məmmədova (57 kq) yarımfinalda polşalı Suzanna Horbiki 5:1 hesabı ilə məğlub edib. O, iyunun 15-də finalda macarıstanlı Sofi Ritterlə qarşılaşacaq.

Qeyd edək ki, daha əvvəl yunan-Roma güləşçilərindən Elnar Ziyadov (48 kq), Ayxan Cavadov (55 kq) Elmin Əliyev (80 kq) və Mahir Qurbanlı (110 kq) Avropa üçüncüsü olublar.