Hacı Əliyev dördüncü dəfə Avropa çempionu oldu, Azərbaycan ikinci “qızıl”ı qazandı – YENİLƏNİR

MƏHƏBBƏT ALLAHVERDİYEV azturktv.az

Sərbəst güləş üzrə Azərbaycan millisinin lideri Hacı Əliyev Xorvatiyanın paytaxtı Zaqrebdə keçirilən Avropa çempionatında qızıl medal qazanıb.

Oxu.Az xəbər verir ki, 70 kq çəki dərəcəsində çıxış edən 32 yaşlı pəhləvan finalda bolqarıstanlı Ramazan Ramazanova 10:3 hesabı ilə qalib gəlib.

Bununla Əliyev karyerasında dördüncü dəfə Avropa çempionluğu tituluna yiyələnib.

Qeyd edək ki, millinin digər üzvü Əliabbas Rzazadə (57 kq) də Xorvatiyadakı Avropa çempionatının qalibi olub.

21:02

Azərbaycanın sərbəst güləşçisi Əli Rəhimzadə Xorvatiyanın paytaxtı Zaqrebdə keçirilən Avropa çempionatında medal qazanmaq şansını əldən verib.

Oxu.Az xəbər verir ki, o, 65 kq çəki dərəcəsində bürünc medal uğrunda görüşdə Ukrayna təmsilçisi Erik Aruşanyana 6:7 hesabı ilə məğlub olub.

Qeyd edək ki, millinin digər üzvü Əliabbas Rzazadə 57 kq çəkidə Avropa çempionu olub.

20:39

Xorvatiyanın paytaxtı Zaqrebdə keçirilən Avropa çempionatında Azərbaycanın sərbəst güləş yığması ilk medalını qazanıb.

Oxu.Az xəbər verir ki, Əliabbas Rzazadə qitə birinciliyinin qalibi olub.

Final görüşündə türkiyəli Süleyman Atlı ilə üz-üzə gələn 25 yaşlı pəhləvan rəqibinə heç bir şans verməyib.

Təcrübəli türkiyəli güləşçini vaxtından əvvəl 12:2 hesabı ilə məğlub edən Rzazadə karyerasında ilk Avropa çempionluğunu qazanıb.

Qələbədən sonra Azərbaycan Bayrağı ilə xalça üzərində dövrə vuran idmançımız əsgər salamı ilə xalqımızı salamlayıb.

17:21

Azərbaycanın bir sərbəst güləşçisi Xorvatiyanın paytaxtı Zaqrebdə keçirilən Avropa çempionatında yarımfinala yüksəlib.

Oxu.Az xəbər verir ki, 92 kq-dakı təmsilçimiz Osman Nurmaqomedov 1/4 finalda Filip Finesilverə (İsrail) qalib gələrək növbəti mərhələyə adlayıb.
61 kq-da mübarizə aparan İntiqam Vəlizadə təsnifatda Taras Markoviçə (Ukrayna) uduzub. Rəqibi də növbəti görüşdə məğlub olduğundan idmançımız medal şansını itirib.
74 kq çəki dərəcəsində yarışan Cəbrayıl Qadjiyev Avstriya təmsilçisi Simon Markla (Avstriya) qalib gəlsə də, italiyalı Frank Çamisoya məğlub olub.

86 kq-dakı Abubakr Abakarov 1/4 finalda Dauren Kuruqliyevə (Yunanıstan) uduzub.

125 kq-dakı Georgi Meşvildişvili ilk görüşdə Gennadi Kudinoviçi (Almaniya) yenməyi bacarıb. Lakin daha sonra o, türkiyəli Taha Akgülə uduzub.

Qadjiyev, Abakarov və Meşvildişvilinin rəqibləri finala çıxsalar, onlar sabah təsəlliverici qarşılaşmalara qatılmaq hüququ qazanacaqlar.

Bu gün, həmçinin, 65 kq çəki dərəcəsində mübarizə aparan Əli Rəhimzadə təsəlliverici qarşılaşmada Coşua Finesilverə (İsrail) qalib gəlib. O, bürünc medal uğrunda dueldə Ukrayna təmsilçisi Erik Aruşanyanın müqavimətini qırmağa çalışacaq.

10:18

Xorvatiyanın paytaxtı Zaqrebdə güləş üzrə Avropa çempionatı davam edir.

Oxu.Az xəbər verir ki, bu gün Azərbaycanın daha beş sərbəst güləşçisi mübarizəyə başlayacaq.

61 kq çəki dərəcəsində İntiqam Vəlizadə təsnifat mərhələsində Taras Markoviçlə (Ukrayna) üz-üzə gələcək.

74 kq-dakı Cəbrayıl Hacıyev təsnifatda Simon Marklla (Avstriya) qarşılaşacaq.

86 kq-dakı Abubakr Abakarov 1/8 finalda Fatih Erdin (Türkiyə) - Ruslan Valiyev (Fransa) cütünün qalibi ilə, 92 kq-dakı Osman Nurmaqomedov 1/4 finalda Filip Finesilver (İsrail) - Recep Haydari (Şimali Makedoniya) duelinin güclüsü ilə görüşəcək.

125 kq-dakı Georgi Meşvildişvili təsnifatda Gennadi Kudinoviçlə (Almaniya) qarşılaşacaq.

Dünən mübarizəyə başlayan beş sərbəst güləşçimiz medal görüşlərinə çıxacaq. 57 kq-dakı Əliabbas Rzazadə qızıl medal uğrunda Süleyman Atlı (Türkiyə) ilə, 70 kq-dakı Hacı Əliyev Ramazan Ramazanovla (Bolqarıstan), 97 kq-dakı Maqomedxan Maqomedov Givi Matçaraşvili (Gürcüstan) ilə üz-üzə gələcək.

65 kq çəki dərəcəsində Əli Rəhimzadə təsəlliverici görüşdə Coşua Finesilverlə, 79 kq-dakı Səbuhi Əmiraslanov bürünc medal qarşılaşmasında Axsarbek Qulayev - Hetik Çabolov cütünün qalibi ilə üz-üzə gələcək.

Qeyd edək ki, Avropa çempionatı aprelin 23-də başa çatacaq.

Azərbaycan güləşçisi Avropa çempionatının yarımfinalında - YENİLƏNİB

30.03.22 20:25

gundem / idman