Özbəkistan Rusiya ilə “qaz ittifaqı”ndan imtina etdi

MƏHƏBBƏT ALLAHVERDİYEV azturktv.az

Özbəkistanın energetika naziri Jorabek Mirzəmahmudov Rusiyanın Mərkəzi Asiya ölkəsinin də iştirak etdiyi “qaz ittifaqı” təklifini kəskin tənqid edərək bildirib ki, Daşkənd özünün milli maraqlarına xələl gətirəcək siyasi şərtlərlə razılaşmayacaq.

Ötən ay Rusiya Qazaxıstan və Özbəkistanla üç ölkə və digər alıcılar, o cümlədən Çin arasında tədarükləri dəstəkləmək üçün qaz ittifaqını müzakirə etdiyini bildirib. Bu, Ukraynada müharibəyə başladıqdan sonra Moskvanın Avropa İttifaqını Rusiyanın enerji resurslarından asılılığını kəskin şəkildə azaltmağa sövq edən strategiyasını dəyişməsinin bir hissəsidir.

Lakin Mirzəmahmudov bildirib ki, Özbəkistan hələlik təklif almayıb.

“Rusiya ilə qaz müqaviləsi imzalansa belə, bu, müttəfiqlik demək deyil”, - deyə o, Rusiya qazının Qazaxıstan ərazisindən keçən boru kəməri ilə nəqlinə dair danışıqların aparıldığını, lakin bunun ittifaq yox, “texniki müqavilə” olacağını qeyd edib.

“Başqa ölkədən qaz idxal edən zaman biz yalnız kommersiya alqı-satqı müqaviləsi əsasında əməkdaşlıq edirik. Biz heç vaxt qazın müqabilində siyasi şərtlərlə razılaşmayacağıq. Bir sözlə, bizə təklif olunan qaz müqaviləsini yalnız o halda alacağıq”.

Özbəkistan hələ də qismən xarici qazdan asılıdır. Paytaxt Daşkənd də daxil olmaqla ölkədə son bir neçə gündə soyuq hava ilə əlaqədar istehlakın artması səbəbindən qaz qıtlığı yaşanıb.

Mirzəmahmudov bildirib ki, soyuqlar Özbəkistanı Çinə gündə altı milyon kubmetr qaz ixracını dayandırmağa məcbur edib.

Onun sözlərinə görə, ölkədə ümumilikdə ildə 52 milyard kubmetrə yaxın təbii qaz hasil olunur, idxal dörd milyard kubmetr, ixrac isə 2,7 milyard kubmetr təşkil edir.

Mənbə: Bloomberg

Yens Stoltenberq: “Rusiya Ukrayna məsələsində səhv etsə, bunun bədəli ağır olacaq”

12.01.22 21:02

gundem / dunya