Qafqaz Motor-Şou 2022 işini başa vurdu

MƏHƏBBƏT ALLAHVERDİYEV azturktv.az

Təhlükəsizlik, Ekologiya, Zövq.Məhz bu deviz altında 29-31 iyul tarixlərində Qəbələ şəhərində Azərbaycan Avtomobil Dilerləri Asossasiasının (AADA ) ənənəvi “Qafqaz Motor Şou” avtomobil sərgisi təşkil edildi.

Azərbaycan Avtomobil Federasiyasının (AAF) təşkilati dəstəyi ilə baş tutan “Qafqaz Motor Şou” da ölkəmizdə fəaliyyət göstərən rəsmi dilerlərin təqdim etdiyi avtomobil markaları iştirak edirdi.

Sərginin ilk günü 29 iyul əsasən iştirakçıların Qəbələyə gəlişi, stendlərin tərtibatı, rəsmi açılış mərasiminə hazırlıq və modellərin sərbəst nümayişinə həsr olundu. Ertəsi gün - 30 iyul olduqca gərgin qrafik əsasında keçdi: hadisələr sürətlə cərəyan edirdi. Forumun ilk tədbiri "Təhlükəsizlik ,Ekologiya, Zövq" mövzusunda konfrans oldu. Konfransda media nümayəndələri və avtomobil sektorunun rəhbər şəxsləri iştirak edirdi. Ekoloji təmiz avtomobillərin təşviqinin gücləndirliməsi üçün rəsmi avtomobil idxalçıları, media və dövlət qurumları tərəfindən hansı addımlar atılmalıdır?

AADA İdarə Heyətinin sədri Natiq Zərbəliyevin giriş sözündən sonra konfrans iştirakçıları bu suala cavab axtardılar, maraqlı təkliflər irəli sürdülər.

Konfrans zalında qızğın müzakirələr davam edərkən, Qəbələ yaxınlığında, Dəmiraparan çayının vadisində sərginin digər iştirakçıları - «Club 4X4» üzvləri inanılmaz «off-road» şousu ilə yerli əhalini və turistləri heyrətləndirə bildilər. Bu klubun sürücüləri insan ayağı dəyməyən yerləri avtomobillə fəth etməyə qadirdilər.

Az sonra daha bir hadisə turistləri yenidən smartfonlarını tuşlayıb, videolar çəkməyə və sosial şəbəkələrdə paylaşmağa vadar etdi. «Vintage Garage» klubunun üzvləri yaşı 60-dan çox olan avtomobilərlə Qəbələ şəhərinin ən populyar otellərinin ərazisində keçən effektli yürüş gerçəkləşdirdilər.

Sərginin açılış mərasimi isə 19:00-da başlandı. AADA sədri Natiq Zərbəliyev qonaqları salamlayaraq motor-şou iştirakçılarını təqdim etdi. Qeyd edək ki, əvvəlki illərlə müqayisədə bu il iştirakçılaırın sayı daha çox idi: 20 avtomobil markasına mənsub 30 dan çox tam yeni model ziyarətçilərə təqdim edildi. Ən lüks seqmentdə olan avtomobildən büdcə avtobilinə qədər istənilən sinfli avtomobillər sərgiyə gözəllik qatdı. Bu forumda nümayiş etdirilən elektrik və hibrid avtomobillər izləyicilər tərəfindən xüsusi marağa səbəb oldu.

31 iyul səhər saatlarında iştirakçı şirkətlərin nümayəndələri və media işçilərinin qatıldığı kartinq yarışı təşlik edildi. Kompromiissiz mübarizə şəklində keçən yarışın qalibi Cahan Motorsun direktoru Adil Axundov oldu. Daha sonra təşkilarçılar və tərəfdaşların nümayəndələrinin iştirakı ilə daha bir yarış oldu, bu dəfə AADA sədri Natiq Zərbəliyev qalib gəldi.

Sərginin son günü saat 20:00-a qədər avtomobil nümayişləri davam etdi. Daha sonra iştirakçılara xüsusi nominasiyalar üzrə diplomlar və mükafatlar təqdim edildi.

Sərginin rəngarəng keçməsinə “Regional İnkiaşaf İctimai Birliyi”nin üzvlərinində əməyi olub.

Sərgi günlərində iştirakçı şirkətlər və tərəfdaşlar tərəfindən təqdim edilən 300 dən çox hədiyyə xüsusi viktorinalar vasitəsiə ziyarətçilərə təqdim edildi.

“Qafqaz Motor Şou” sərgisini ənənəvi olaraq “Dervish Band” musiqi qrupu müşayyət edirdi. Ritmik musiqi sədaları altında AADA bir sıra media nümayəndəsini avtojurnalistikanın inkişafında xüsusi xidmətlərinə görə diplomlarla təltif etdi. Daha sonra media nümayəndələri üçün xüsusi ziyafət də təşkil edildi.

Qəbələdə avtomobil piyadanı vurub, vəziyyəti ağırdır

11.01.22 19:31

gundem / hadise