https://azturktv.az/ az siyaset - AzturkTv.az DataLife Engine https://azturktv.az/index.php?newsid=37145 https://azturktv.az/index.php?newsid=37145 ]]>

MƏHƏBBƏT ALLAHVERDİYEV azturktv.az

Azərbaycan Prezidenti İlham Əliyev mayın 19-da Slovakiyanın Baş nazirinin müavini, ətraf mühit naziri Tomaş Tarabanı qəbul edib.

azturktv.az xəbər verir ki, dövlət başçısı özünün ötən il Slovakiyaya, Baş nazir Robert Fitsonun isə Azərbaycana səfərlərini xatırladaraq, son dövrlərdə Slovakiyadan yüksəksəviyyəli nümayəndə heyətlərinin Azərbaycana gəldiklərini qeyd edib.

Dövlət başçısı vurğulayıb ki, bu, ölkələr arasında fəal əməkdaşlığın həyata keçirildiyini göstərir.

Prezident İlham Əliyev Azərbaycanla Slovakiya arasında mövcud dostluğu və tərəfdaşlığı yüksək qiymətləndirərək, əməkdaşlığın səviyyəsindən məmnun olduğunu deyib.

Qonaqpərvərliyə görə minnətdarlığını bildirən Tomaş Taraba qeyd edib ki, Slovakiya hər zaman Azərbaycanın yanındadır. O, ölkəsinin Azərbaycanın ərazi bütövlüyünü daim dəstəklədiyini vurğulayıb.

Slovakiya Baş nazirinin müavini deyib ki, ölkəsinə qaz lazım olduqda Azərbaycan etibarlı təchizatçı olub.

Tomaş Taraba Ümumdünya Şəhərsalma Forumunun 13-cü Sessiyasının Azərbaycanda keçirilməsinin önəminə də toxunub.

Xoş sözlərə görə minnətdarlığını bildirən Prezident İlham Əliyev hazırda Azərbaycanın 12 Avropa ölkəsini, o cümlədən Avropa İttifaqının 10 üzv dövlətini qazla təchiz etdiyini deyib, gələcəkdə bu rəqəmin artmasının mümkünlüyünü vurğulayıb.

Görüşdə ikitərəfli münasibətlərimizin strateji tərəfdaşlıq xarakteri daşıdığı qeyd edilib, əməkdaşlığın perspektivləri ilə bağlı fikir mübadiləsi aparılıb. ]]> admin Tue, 19 May 2026 18:12:49 +0000 https://azturktv.az/index.php?newsid=37144 https://azturktv.az/index.php?newsid=37144 ]]>

MƏHƏBBƏT ALLAHVERDİYEV azturktv.az
Azərbaycan Respublikasının xarici işlər naziri Ceyhun Bayramov ölkəmizdə səfərdə olan Sudanın xarici işlər və beynəlxalq əməkdaşlıq naziri Mohieddin Salem Ahmed Ibrahim ilə görüş keçirib.

Xarici İşlər Nazirliyindən bildirilib ki, görüş zamanı Azərbaycan ilə Sudan arasında siyasi, iqtisadi, humanitar və çoxtərəfli əməkdaşlıq gündəliyinin aktual məsələləri müzakirə olunub. Növbəti il ölkələrimiz arasında diplomatik münasibətlərin qurulmasının 35 illiyinin qeyd olunacağı məmnunluqla qeyd olunub.

Nazirlər siyasi dialoqun intensivləşdirilməsinin, qarşılıqlı səfərlərin və xarici işlər nazirlikləri arasında siyasi məsləhətləşmələrin əməkdaşlığın inkişafına mühüm töhfə verdiyini qeyd ediblər. Bu çərçivədə beynəlxalq təşkilatlar, xüsusilə Birləşmiş Millətlər Təşkilatı, İslam Əməkdaşlıq Təşkilatı və Qoşulmama Hərəkatı çərçivəsində qarşılıqlı dəstək və əməkdaşlığın əhəmiyyəti vurğulanıb.

Görüş zamanı enerji təhlükəsizliyi, yaşıl enerji, kənd təsərrüfatı, investisiya, təhsil və humanitar sahələrdə əməkdaşlıq imkanları nəzərdən keçirilib. Sudan tərəfi Azərbaycanın dövlət idarəçiliyi, rəqəmsal inkişaf, infrastruktur quruculuğu və post-münaqişə bərpa sahəsində əldə etdiyi təcrübəyə maraq ifadə edib. Azərbaycan tərəfindən Sudanlı tələbələrə təhsil təqaüdünün ayrılmasına görə minnətdarlıq ifadə olunub. Bununla yanaşı, Azərbaycanın Sudandakı daşqınlar və COVID-19 pandemiyası ilə əlaqədar göstərdiyi humanitar yardımlar məmnunluqla xatırlanıb.

C.Bayramov post-münaqişə dövründə ölkəmizin həyata keçirdiyi genişmiqyaslı bərpa və yenidənqurma işləri, mina təhlükəsi ilə mübarizə istiqamətində görülən tədbirlər, habelə regional nəqliyyat və kommunikasiya layihələrinin əhəmiyyəti barədə qarşı tərəfə ətraflı məlumat verib.

Tərəflər həmçinin regional və beynəlxalq təhlükəsizlik gündəliyində duran məsələlər və çağırışlar ətrafında fikir mübadiləsi aparıblar.

Görüşdə həmçinin qarşılıqlı maraq doğuran digər ikitərəfli və regional məsələlər də müzakirə edilib.

Səfər çərçivəsində nazirlər tərəfindən Azərbaycan Respublikası Hökuməti ilə Sudan Respublikası Hökuməti arasında diplomatik pasport sahiblərinin vizadan qarşılıqlı azad edilməsi haqqında saziş imzalanıb.

18:07

Xarici İşlər naziri Ceyhun Bayramov Sudanın xarici işlər və beynəlxalq əməkdaşlıq naziri Möhyəddin Salim Əhməd İbrahimlə onun Azərbaycana səfəri zamanı görüşüb.

"Report" xəbər verir ki, bu barədə Xarici İşlər Nazirliyinin "X" hesabında paylaşım edilib.

Nazirlər Azərbaycan–Sudan münasibətlərinin cari gündəliyini, o cümlədən siyasi, iqtisadi, humanitar, təhsil, enerji, kənd təsərrüfatı və investisiya sahələrində əməkdaşlıq perspektivlərini müzakirə ediblər.

Tərəflər ikitərəfli əlaqələrin möhkəmləndirilməsində intensivləşdirilmiş siyasi dialoqun, qarşılıqlı səfərlərin və xarici işlər nazirlikləri arasında məsləhətləşmələrin əhəmiyyətini vurğulayıblar. Beynəlxalq təşkilatlar, xüsusilə BMT, İƏT və Qoşulmama Hərəkatı çərçivəsində əməkdaşlıq və qarşılıqlı dəstək də diqqətə çatdırılıb.

C.Bayramov Sudan tərəfini Azərbaycanın münaqişədən sonrakı dövrdə genişmiqyaslı bərpa və minalardan təmizləmə işləri, həmçinin regional əlaqəlilik və nəqliyyat təşəbbüsləri barədə məlumatlandırıb.

Sudan Azərbaycanın dövlət idarəçiliyi, ASAN xidməti, rəqəmsal inkişaf və infrastruktur quruculuğu sahəsindəki təcrübəsinə maraq göstərib, eyni zamanda sudanlı tələbələr üçün ayrılmış təhsil təqaüdlərinə görə minnətdarlığını ifadə edib.

Səfər çərçivəsində Azərbaycan və Sudan hökumətləri arasında Diplomatik Pasport Sahibləri üçün Qarşılıqlı Viza Tələbinin Ləğvi haqqında Saziş imzalanıb. ]]> admin Tue, 19 May 2026 18:10:05 +0000 https://azturktv.az/index.php?newsid=37143 https://azturktv.az/index.php?newsid=37143 ]]>
MƏHƏBBƏT ALLAHVERDİYEV azturktv.az
Azərbaycan Respublikasının Prezidenti İlham Əliyev mayın 19-da Mavriki Respublikasının Prezidenti Daramber Qoxul ilə görüşüb.

azturktv.az xəbər verir ki, WUF13 tədbirində iştirak etdiyinə görə Mavriki Prezidentinə təşəkkürünü bildirən dövlət başçısı onun səfərinin ikitərəfli əlaqələrin inkişafı ilə bağlı müzakirələr aparmaq baxımından da yaxşı imkan yaratdığını deyib .

Prezident İlham Əliyev siyasi münasibətlərin səviyyəsindən məmnunluğunu bildirib.

Mavriki Prezidenti bu tədbirə dəvətə görə dövlət başçısına təşəkkür edib. Daramber Qoxul ikitərəfli əlaqələrin müxtəlif aspektlərini müzakirə etmək baxımından da səfərinin roluna toxunub.

Bakıya səfəri çərçivəsində "ASAN xidmət" mərkəzini ziyarət etdiyini deyən Mavriki Prezidenti oradakı şəraitin onda zəngin təəssürat hissi yaratdığını bildirib və ölkəsində də bu cür təcrübənin tətbiqində maraqlı olduğunu vurğulayıb.

ASAN modelinin yaradılması ilə əlaqədar Azərbaycanın müxtəlif dövlətlərlə əməkdaşlıq etdiyini deyən Prezident İlham Əliyev bildirib ki, bu xüsusda ölkəmiz Mavrikiyə də dəstək verməyə və təcrübəsini bölüşməyə hazırdır.

Qonaq WUF13 kimi qlobal səviyyəli tədbirin Azərbaycanda keçirilməsinin önəmini vurğulayıb.

Daramber Qoxul Mavrikidən olan tələbələrə verilmiş təhsil təqaüdləri ilə bağlı Azərbaycan Prezidentinə təşəkkürünü bildirib, gələcəkdə bunun daha da artırılması imkanlarına baxılmasını xahiş edib.

Görüşdə iki ölkənin beynəlxalq təşkilatlarda əməkdaşlığına toxunulub, müxtəlif səviyyələrdə qarşılıqlı səfərlərin və təmasların tərəfdaşlığın genişləndirilməsi baxımından rolu vurğulanıb. İqtisadiyyat, sərmayələr, enerji, o cümlədən bərpaolunan enerji, turizm və digər sahələrdə əməkdaşlığa dair fikir mübadiləsi aparılıb. ]]> admin Tue, 19 May 2026 18:07:06 +0000 https://azturktv.az/index.php?newsid=37142 https://azturktv.az/index.php?newsid=37142
]]>

MƏHƏBBƏT ALLAHVERDİYEV azturktv.az
Azərbaycanın Şuşa və Türkiyənin Trabzon şəhərləri qardaşlaşıb.

"Report" xəbər verir ki, bununla bağlı Ümumdünya Şəhərsalma Forumunun 13-cü sessiyası (WUF13) çərçivəsində "Bağlantının mərkəzində şəhərlər: şəhər yenidənqurması və regional əməkdaşlıq" mövzusunda tədbirdə əməkdaşlığa dair Anlaşma Memorandumu imzalanıb.

Sənədi Şuşa rayonunda Azərbaycan Prezidentinin xüsusi nümayəndəsi Aydın Kərimov və Trabzon Böyükşəhər Bələdiyyəsinin sədri Ahmet Metin Genc imzalayıblar. ]]> admin Tue, 19 May 2026 18:04:04 +0000 https://azturktv.az/index.php?newsid=37141 https://azturktv.az/index.php?newsid=37141 ]]>
MƏHƏBBƏT ALLAHVERDİYEV azturktv.az

Azərbaycan Milli Məclisin sədrinin müavini Musa Qasımlı və Pakistanın Pəncab əyalətinin Baş naziri Məryəm Nəvaz Şərif WUF13 "Expo" mərkəzində Pəncab pavilyonunun açılışını ediblər.

"Report" xəbər verir ki, tədbirdə Pakistanın Şəhərsalma Nazirliyinin nümayəndələri də iştirak ediblər.

Tərəflər pavilyonun rəsmi açılışını simvolizə edən lenti təntənəli şəkildə kəsiblər. ]]> admin Tue, 19 May 2026 18:00:58 +0000 https://azturktv.az/index.php?newsid=37140 https://azturktv.az/index.php?newsid=37140 ]]>
MƏHƏBBƏT ALLAHVERDİYEV azturktv.az
Azərbaycan keçmiş münaqişə zonasına milyardlarla dollar sərmayə yatırır.

azturktv.az xəbər verir ki, bunu Azərbaycanın xarici işlər naziri Ceyhun Bayramov Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Bağlantının mərkəzində şəhərlər: şəhər yenidənqurması və regional əməkdaşlıq" mövzusunda tədbirdə deyib.

Onun sözlərinə görə, Azərbaycanın genişmiqyaslı yenidənqurma işləri eyni zamanda sülh quruculuğu strategiyasının ayrılmaz hissəsi kimi qiymətləndirilməlidir:

"Bu, hamı üçün daha yaxşı, firavan gələcək qurmaq strategiyasıdır. Azərbaycanın qətiyyətli mövqeyi və addımlarından sonra Cənubi Qafqaz onilliklər boyu davam edən qeyri-sabitlikdən həqiqi sülh və əməkdaşlıq imkanlarına doğru irəliləyir. Uzun illər davam edən münaqişənin başa çatması və Azərbaycanın suverenliyi ilə ərazi bütövlüyünün tam bərpası regional dinamikanı dəyişdirib, sülh və təhlükəsizlik üçün əsas təhdidlərdən birini aradan qaldırıb və regional əməkdaşlıq üçün yeni perspektivlər yaradıb". ]]> admin Tue, 19 May 2026 17:58:35 +0000 https://azturktv.az/index.php?newsid=37139 https://azturktv.az/index.php?newsid=37139 ]]>
MƏHƏBBƏT ALLAHVERDİYEV azturktv.az

Azərbaycan Respublikasının Prezidenti İlham Əliyev mayın 19-da Belarus Respublikası Milli Assambleyası Nümayəndələr Palatasının sədri İqor Sergeyenkonu qəbul edib.

azturktv.az xəbər verir ki, dövlət başçısı Belarusun Ümumdünya Şəhərsalma Forumunun 13-cü Sessiyasında (WUF13) yüksəksəviyyəli nümayəndə heyəti ilə iştirak etdiyini dedi.

Sıx dostluğa əsaslanan Azərbaycan-Belarus münasibətlərinin inkişafından məmnunluğunu bildirən Prezident İlham Əliyev bütün sahələr üzrə fəal əməkdaşlığın həyata keçirildiyini vurğulayıb. Bu xüsusda parlamentlərarası formatın əhəmiyyəti qeyd edilib. İki ölkə arasında iqtisadi sahədə əməkdaşlığa toxunan dövlət başçısı birgə layihələrin uğurla icra olunduğunu deyib.

Qəbula görə minnətdarlığını bildirən İqor Sergeyenko Belarus Prezidenti Aleksandr Lukaşenkonun salamlarını dövlət başçısına çatdırıb.

Prezident İlham Əliyev salamlara görə minnətdarlığını bildirib, onun da salamlarını Aleksandr Lukaşenkoya çatdırmağı xahiş edib.

Qonaq vurğulayıb ki, Azərbaycan və Belarus liderlərinin şəxsi əlaqələri iki ölkənin qurumları arasında əməkdaşlığın inkişafına töhfə verir.

İqor Sergeyenko Ümumdünya Şəhərsalma Forumunun 13-cü Sessiyasının açılışında iştirak etdiyini deyərək burada şəhərsalmanın mühüm istiqamətləri üzrə müzakirələrin aparıldığını vurğulayıb. Qeyd edib ki, nüfuzlu beynəlxalq tədbirlərin keçirilməsi ilə bağlı zəngin təcrübəsi olan Azərbaycanda WUF13 də yüksək səviyyədə təşkil edilib.

Söhbət zamanı münasibətlərin müxtəlif sahələrdə inkişafı perspektivləri müzakirə edilib, hər iki ölkənin qanunverici orqanları arasında əməkdaşlığın genişləndirilməsi ilə bağlı fikir mübadiləsi aparılıb.

]]> admin Tue, 19 May 2026 17:52:45 +0000 https://azturktv.az/index.php?newsid=37138 https://azturktv.az/index.php?newsid=37138 ]]>

MƏHƏBBƏT ALLAHVERDİYEV azturktv.az
Bakıda yaradıcı fəaliyyət tək bir mərkəzdən daha geniş coğrafiyaya və müxtəlif icma əsaslı məkanlara doğru inkişaf etməkdədir.

azturktv.az xəbər verir ki, bunu Azərbaycan Respublikası Kino Agentliyinin Baş direktoru Rəşad Əzizov Ümumdünya Şəhərsalma Forumunun 13-cü sessiyası (WUF13) çərçivəsində "UNESCO-nun Yaradıcı Şəhərlər Şəbəkəsi və Dayanıqlı Şəhər İnkişafı" adlı müzakirədə çıxışı zamanı deyib.

Onun sözlərinə görə, yaradıcı icmaların həm yaşamaq, həm də istehsal etmək üçün məkanlara ehtiyacı var:

"Studiyalar, media laboratoriyaları, emalatxanalar, istehsal məkanları, yaradıcı guşələr və ictimai məkanlar mədəni iqtisadiyyatın iş məkanları kimi şəhərsalma və şəhər inkişafı proseslərinin ayrılmaz hissəsi olmalıdır".

Rəşad Əzizov yekunda UNESCO-nun Yaradıcı Şəhərlər Şəbəkəsinin Azərbaycan üçün yalnız beynəlxalq tanınma mexanizmi deyil, həm də icra, monitorinq, müqayisəli qiymətləndirmə, həmkar şəhərlərlə təcrübə mübadiləsi və yaradıcı icmaların dayanıqlı inkişafı üçün işlək alət kimi istifadə olunmalı olduğunu diqqətə çatdırıb. ]]> admin Tue, 19 May 2026 17:49:17 +0000 https://azturktv.az/index.php?newsid=37137 https://azturktv.az/index.php?newsid=37137 ]]>
MƏHƏBBƏT ALLAHVERDİYEV azturktv.az
Minalarla çirkləndirilmiş torpaqların təmizlənməsində qeyri-hökumət təşkilatlarının (QHT) fəaliyyətindən də istifadə olunur.

azturktv.az xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Ümumdünya Şəhərsalma Forumunun 13-cü sessiyası (WUF13) çərçivəsində keçirilən QHT forumunda deyib.

O qeyd edib ki, vətəndaş cəmiyyətlərinin fikri, cəmiyyətin mövqeyi olmadan hökumət dayanıqlı gündəliyini icra edə bilməz.

"Azad edilmiş ərazilərdə 10 min kv/km ərazi minalarla çirkləndirilib. Biz indi həmin əraziləri təmizləməklə tarix yazırıq", - H.Hacıyev vurğulayıb.

O əlavə edib ki, Azərbaycan hökuməti QHT icmasının və vətəndaş cəmiyyəti institutlarının qarşılıqlı fəaliyyəti, inkişafı və potensialının gücləndirilməsinə xüsusi önəm verir. Bu məqsədlə vətəndaş cəmiyyəti institutlarına dəstək göstərən dövlət agentliyi yaradılıb:

"Azərbaycan hökuməti, həmçinin onların maliyyə imkanlarına çıxışını təmin etmək üçün qrantlar ayırır və müxtəlif institusional, potensialın artırılması üzrə təlimlər təşkil edir. Ölkədə vətəndaş cəmiyyəti institutları hökumətin inkişaf proqramlarının ayrılmaz hissəsidir və biz onların bilik və təcrübəsini Azərbaycanın Dayanıqlı İnkişaf Məqsədlərinin həyata keçirilməsinə cəlb edirik". ]]> admin Tue, 19 May 2026 17:43:21 +0000 https://azturktv.az/index.php?newsid=37121 https://azturktv.az/index.php?newsid=37121 ]]>

MƏHƏBBƏT ALLAHVERDİYEV azturktv.az
Prezident İlham Əliyev mayın 16-da BMT-nin Məskunlaşma Proqramının (UN-Habitat) icraçı direktoru Anaklaudia Rossbaxı qəbul edib.

azturktv.az xəbər verir ki, Anaklaudia Rossbax Bakıda BMT-nin Ümumdünya Şəhərsalma Forumunun 13-cü Sessiyası ilə bağlı gördüyü işlərin onda dərin təəssürat hissi yaratdığını deyərək, bu mötəbər tədbirin təşkili ilə əlaqədar Azərbaycanın tətbiq etdiyi innovativ yanaşmaları alqışladığını vurğuladı, onların sessiyanın daha məzmunlu keçirilməsinə zəmin yaratdığını qeyd etdi.

Bütün bunlara görə Azərbaycan tərəfinə minnətdarlıq edən qonaq ölkənin bu tədbirə möhtəşəm ev sahibliyi edəcəyinə əminliyini bildirdi.

Anaklaudia Rossbax COP29-un Azərbaycanda yüksək səviyyədə keçirildiyini xatırladaraq, bunun ardınca ölkədə WUF13 kimi tədbirin təşkilinin önəminə toxundu. O, COP və WUF-un BMT sistemində ən böyük tədbirlər hesab olunduğunu deyərək vurğuladı ki, mahiyyəti etibarilə Azərbaycan bu tədbirlər arasında əlaqə yaradıb.

Qonaq ölkənin BMT-nin Məskunlaşma Proqramının fəaliyyətinə verdiyi könüllü maliyyə töhfələrini yüksək qiymətləndirdi, Azərbaycan-UN-Habitat əməkdaşlığını, o cümlədən ölkədə keçirilən Milli Şəhərsalma forumları ənənəsini təqdir etdiyini dedi. O, bundan sonra da əməkdaşlığın uğurla davam edəcəyinə ümidvarlığını bildirdi.

Xoş sözlərə görə minnətdarlığını ifadə edən dövlət başçısı vurğuladı ki, Azərbaycan tərəfindən tədbirin yüksək səviyyədə keçirilməsi üçün bütün zəruri addımlar atılıb. Prezident İlham Əliyev bir neçə gün əvvəl Bakı Olimpiya Stadionunun ərazisində WUF13 ilə bağlı görülən işlərlə yerində tanış olduğunu xatırlatdı, bu tədbirin nəticəyönümlü olacağına ümidvarlığını ifadə etdi.

Dövlət başçısı Azərbaycanın Ümumdünya Şəhərsalma Forumu təcrübəsinin, həmçinin ölkədə şəhərsalma sahəsində tətbiq olunan innovativ yanaşmaların, işğaldan azad edilmiş ərazilərdə postmünaqişə şəraitində genişmiqyaslı bərpa və quruculuq işlərinin aparılmasının digər ölkələr üçün də nümunəvi xarakter daşıdığını bildirdi və ölkənin bu təcrübəni bölüşməyə hazır olduğunu dedi.

Söhbət zamanı Azərbaycanın BMT-nin Məskunlaşma Proqramının fəaliyyətini dəstəklədiyi məmnunluqla vurğulandı, ölkə ilə bu qurum arasında əməkdaşlığın perspektivlərinə dair müzakirələr aparıldı.

Görüşdən sonra Azərbaycan Respublikasının Dövlət Şəhərsalma və Arxitektura Komitəsi ilə BMT-nin Məskunlaşma Proqramı (UN-Habitat) arasında WUF13 Bakı standartlarına əsasən gələcəkdə keçiriləcək Ümumdünya Şəhərsalma Forumun sessiyalarına ev sahibliyi üzrə əməliyyat təlimatının birgə hazırlanmasında əməkdaşlıq etmək məqsədilə Niyyət Məktubu imzalandı. Gələcək sessiyalara ev sahibliyi edəcək tərəflərə qərarqəbuletmə prosesinə dəstək olmaq üçün nəzərdə tutulan sənəd Bakıda keçirilən WUF13-ün uğurlu hazırlıq mərhələsinə əsaslanmaqla, növbəti tədbirlərin operativ səmərəliliyini artırmağı hədəfləyir. ]]> admin Sat, 16 May 2026 17:42:06 +0000