https://azturktv.az/ az medeniyyet - AzturkTv.az DataLife Engine https://azturktv.az/index.php?newsid=37904 https://azturktv.az/index.php?newsid=37904




]]>
Bu barədə Mədəniyyət Nazirliyindən məlumat verilib.

Bildirilib ki, nazirlik və Berlindəki Azərbaycan Mədəniyyət Mərkəzinin təşkilatçılığı ilə sərgidə ölkənin qədim tarixi və zəngin ədəbi irsi xüsusi dizaynla hazırlanmış milli stenddə müxtəlif kitab nümunələri vasitəsilə təqdim edilir:

"Sərgidə Azərbaycanın yazar və nəşriyyat nümayəndələrindən ibarət geniş heyət iştirak edir.

Sərginin ilk günündə Azərbaycan stendi çoxsaylı yerli və xarici ziyarətçilərin diqqət mərkəzində olub. Ziyarətçilər milli stenddə yer alan kitablarla yaxından tanış olub, nəşrlərimizə böyük maraq göstəriblər.

Eyni zamanda bir sıra ölkələrin nəşriyyat nümayəndələri ilə Azərbaycan nəşriyyat təmsilçiləri arasında müəllif hüquqları və əməkdaşlıq məsələlərinə dair məhsuldar görüşlər keçirilib.

Sərgi çərçivəsində "Azərbaycan Mədəniyyəti – 2040" Konsepsiyasının müvafiq hədəflərinə uyğun olaraq, ilk dəfə oktyabrın 9-da "Global səhnə" adlı təqdimat zonasında "Azərbaycan ədəbiyyatı xaricdə" mövzusunda panel müzakirəsi keçiriləcək. Paneldə Azərbaycan ədəbiyyatının xaricdə nəşri və beynəlxalq auditoriyaya tanıdılması məsələləri müzakirə olunacaq. Tədbirdə ədəbiyyatımızın görkəmli nümayəndələri, həmçinin son illərdə Azərbaycan kitabının tanıtımı ilə bağlı görülən işlər barədə məlumat veriləcək. Müzakirədən sonra Azərbaycanın uşaq yazarları ilə imza saatı təşkil olunacaq", - məlumatda vurğulanıb.

Qeyd edək ki, builki sərginin fəxri qonaq ölkəsi Çex Respublikasıdır.








MƏHƏBBƏT ALLAHVERDİYEV azturktv.az ]]> admin Thu, 08 Oct 2026 17:38:26 +0000 https://azturktv.az/index.php?newsid=37827 https://azturktv.az/index.php?newsid=37827

]]>
Bu barədə Mədəniyyət Nazirliyindən məlumat verilib.

Bildirilib ki, muzeyin direktoru Əminə Məlikova qonaqlara xalqımızın qədim xalçaçılıq sənəti, onun tarixi, bugünkü inkişaf istiqamətləri, həmçinin muzeyin yaradılması və fəaliyyəti haqqında ətraflı məlumat verib.

O, Azərbaycanın birinci xanımı, Heydər Əliyev Fondunun prezidenti Mehriban Əliyevanın səyləri sayəsində milli xalçaçılıq sənətinin 2010-cu il noyabrın 16-da UNESCO-nun Qeyri-Maddi Mədəni İrs Siyahısına daxil edildiyini vurğulayıb.

Ə. Məlikova ötən ilin sentyabr ayında Milli Xalça Muzeyində Tacikistan Milli Muzeyinin kolleksiyasından tacik tikməsinin nadir nümunələrinin, xüsusən süzənilərin yer aldığı sərginin keçirildiyini söyləyib. Bu cür sərgilərin iki ölkə arasında mədəni dialoqun inkişafına mühüm töhfə vermək məqsədi daşıdığını diqqətə çatdırıb.

Azərbaycanın zəngin milli-mədəni irsi ilə tanışlıq qonaqlarda xoş təəssürat yaradıb.





MƏHƏBBƏT ALLAHVERDİYEV azturktv.az ]]> admin Sat, 26 Sep 2026 17:34:02 +0000 https://azturktv.az/index.php?newsid=37777 https://azturktv.az/index.php?newsid=37777 ]]>
MƏHƏBBƏT ALLAHVERDİYEV azturktv.az

Mədəniyyət naziri Adil Kərimli sentyabrın 24-də Naxçıvan şəhərində növbəti vətəndaş qəbulu keçirib.

Bu barədə Mədəniyyət Nazirliyindən məlumat verilib.

Qeyd olunub ki, Naxçıvan Muxtar Respublikasının Mədəniyyət Nazirliyində keçirilən qəbulda Naxçıvan şəhəri ilə yanaşı, Babək, Culfa, Kəngərli, Ordubad, Sədərək, Şahbuz və Şərur rayonlarından olan vətəndaşlar iştirak ediblər.

Vətəndaşların müraciətləri əsasən məşğulluq, mədəniyyət sahəsi ilə bağlı layihə və təkliflər, iş yerinin dəyişdirilməsi və digər məsələlərlə bağlı olub.

Nazir vətəndaşların xahiş və təkliflərini dinləyib, diqqətə çatdırılan hər bir məsələnin operativ şəkildə araşdırılması, qanunvericiliyə uyğun həlli ilə bağlı addımlar atılacağını bildirib.


]]> admin Thu, 24 Sep 2026 18:21:16 +0000 https://azturktv.az/index.php?newsid=37737 https://azturktv.az/index.php?newsid=37737 ]]>

MƏHƏBBƏT ALLAHVERDİYEV azturktv.az
Serbiyanın Belqrad şəhərində "Gənclər üçün gənclər!" ("Mladi za mlade") adlı ikitərəfli mədəni mübadilə proqramı çərçivəsində təşkil olunan konsert proqramında azərbaycanlı pianoçu Fatimə Əliyeva çıxış edib.

"Report"un Balkan bürosu xəbər verir ki, Belqraddakı İtaliya Mədəniyyət İnstitutunda baş tutan "Duo Jeunesses Musicales" adlı konsert proqramında azərbaycanlı pianoçu ilə bərabər, Şimali Makedoniyadan olan viola ifaçısı Leona Kondratenko da dinləyicilərin qarşısına çıxıb

Konsertin proqramına Robert Şuman, York Boven, Arkancelo Korelli, Culio Kaççini və Manuel de Falyanın əsərləri daxil edilib.

Layihənin məqsədi gənc musiqiçilərin beynəlxalq səhnədə çıxış imkanlarını genişləndirmək, müxtəlif ölkələrdən olan gənc sənətçilər arasında yaradıcılıq əlaqələrini inkişaf etdirmək və mədəni mübadiləni təşviq etməkdir. ]]> admin Tue, 22 Sep 2026 18:11:20 +0000 https://azturktv.az/index.php?newsid=37714 https://azturktv.az/index.php?newsid=37714 ]]>


İCESCO ilə Azərbaycan arasında çox güclü əməkdaşlıq mövcuddur.

azturktv.az-Nİn məlumatına görə, bunu İCESCO-nun Azərbaycandakı Regional Ofisinin Direktoru Abdulhakeem Alsenan Bakıda XVIII Beynəlxalq Musiqi Festivalı çərçivəsində I Türk Dünyası Bəstəkarlar İttifaqının Qurultayında çıxışı zamanı deyib.

O bildirib ki, Bakı Ofisi bu əməkdaşlığın inkişafında xüsusi rol oynayır.

Direktor qurultayın Üzeyir Hacıbəyov irsinin yad edildiyi ərəfədə keçirilməsinin təsadüfi olmadığını qeyd edib.

"Üzeyir Hacıbəyov Azərbaycanın müasir musiqi kimliyini formalaşdırıb. O bizə nümayiş etdirib ki, mədəniyyət milli kimliyi qorumaq üçün ən fundamental anlayışdır. Üzeyir bəy yaradıcılığı bütün dünyaya bir daha sübut edir ki, musiqinin dili olmur. Musiqi ümumbəşəridir".


MƏHƏBBƏT ALLAHVERDİYEV azturktv.az ]]> admin Sat, 19 Sep 2026 17:49:27 +0000 https://azturktv.az/index.php?newsid=37713 https://azturktv.az/index.php?newsid=37713 ]]>

I Türk Dünyası Bəstəkarlar İttifaqının Qurultayı çərçivəsində Azərbaycan, Qazaxıstan, Qırğızıstan, Türkiyə, Özbəkistan, Türkmənistan və Macarıstanın aparıcı musiqi qurumlarının nümayəndələri "Turkic Union of Composers" (TUC) – Türk Dünyası Bəstəkarlar Birliyini təsis etdiklərini bəyan ediblər.

azturktv.az-Nİn məlumatına görə, bu qərar bəstəkarlar, musiqişünaslar, konservatoriyalar, musiqi akademiyaları və türk ölkələrinin yaradıcılıq birlikləri arasında daimi peşəkar əməkdaşlığın əsasını qoyan Bakı Bəyannaməsinin imzalanması ilə rəsmiləşdirilib.

Bununla da ilk dəfə olaraq türk ölkələrinin bəstəkarları arasında əməkdaşlıq vahid institusional əsas və uzunmüddətli beynəlxalq platforma qazanıb.

Türk Mədəniyyəti və İrsi Fondunun prezidenti, professor Aktotı Raimkulova türk xalqlarının zəngin irsinin yeni əsərlərin, peşəkar əməkdaşlığın və beynəlxalq mədəni dialoqun mənbəyinə çevriləcəyi canlı musiqi məkanı yaratdıqlarından məmnunluğunu ifadə edib.

"Bakıda keçirilən bu ilk Qurultay və TUC-un yaradılması türk dünyasının musiqi diplomatiyası tarixində yeni səhifə açır", - o əlavə edib.

Həmçinin qeyd olunub ki, TUC türk dünyasının yaradıcı potensialını birləşdirmək, müasir bəstəkarlıq məktəblərini dəstəkləmək, yeni əsərlərin yaradılmasına töhfə vermək və türk xalqlarının musiqisini dünyanın ən nüfuzlu beynəlxalq səhnələrində təbliğ etmək məqsədi daşıyır.

TUC-un məhz dünya mədəniyyətinə Üzeyir Hacıbəyli, Qara Qarayev, Fikrət Əmirov və digər dahi bəstəkarları bəxş etmiş, zəngin musiqi ənənələrinə malik Azərbaycanda yaradılması isə xüsusi rəmzi əhəmiyyət daşıyır.


MƏHƏBBƏT ALLAHVERDİYEV azturktv.az ]]> admin Sat, 19 Sep 2026 17:47:20 +0000 https://azturktv.az/index.php?newsid=37712 https://azturktv.az/index.php?newsid=37712

]]>





Bakıda XVIII Beynəlxalq Musiqi Festivalı çərçivəsində I Türk Dünyası Bəstəkarlar İttifaqının Qurultayı keçirilib.

"Report"un məlumatına görə, Azərbaycan Bəstəkarlar İttifaqında keçirilən qurultayda türk dövlətlərindən olan bəstəkar təşkilatlarının rəhbər şəxsləri, musiqişünaslar, mədəni-ictimai xadimlər və media mənsubları iştirak edib.

10:09

Bakıda XVIII Beynəlxalq Musiqi Festivalı çərçivəsində I Türk Dünyası Bəstəkarlar İttifaqının Qurultayı keçirilir.

"Report"un məlumatına görə, Azərbaycan Bəstəkarlar İttifaqında keçirilən qurultayda türk dövlətlərindən olan bəstəkar təşkilatlarının rəhbər şəxsləri, musiqişünaslar, mədəni-ictimai xadimlər və media mənsubları iştirak edir.

Qurultay çərçivəsində türk dövlətlərinin musiqi sahəsində ortaq layihələrinin, perspektivlərinin müzakirəsi nəzərdə tutulur.

Xatırladaq ki, ötən gün Azərbaycan Dövlət Akademik Filarmoniyasında XVIII Beynəlxalq Musiqi Festivalının açılış mərasimi keçirilib. Festival sentyabrın 30-dək davam edəcək. Bu çərçivədə müxtəlif konsertlər və musiqi tədbirlərinin keçirilməsi nəzərdə tutulub.


MƏHƏBBƏT ALLAHVERDİYEV azturktv.az ]]> admin Sat, 19 Sep 2026 17:43:35 +0000 https://azturktv.az/index.php?newsid=37693 https://azturktv.az/index.php?newsid=37693



]]>






Azərbaycan Dövlət Akademik Filarmoniyasında XVIII Beynəlxalq Musiqi Festivalının açılış mərasimi keçirilib.

azturktv.az-nin məlumatına görə, tədbirdə mədəniyyət naziri Adil Kərimli, Türk Mədəniyyəti və İrsi Fondunun prezidenti Aktotı Raimkulova, türk dövlətlərinin bəstəkarlar ittifaqının rəhbər şəxsləri, mədəni-ictimai xadimlər və digər qonaqlar iştirak ediblər.

Konsert proqramında Fuad İbrahimovun baş dirijorluğu ilə Üzeyir Hacıbəyli adına Azərbaycan Dövlət Simfonik Orkestri çıxış edib.

Proqramda Azərbaycanın görkəmli bəstəkarları ilə yanaşı, türk dövlətlərinin tanınmış musiqiçilərinin əsərlərindən parçalar səsləndirilib.

XVIII Beynəlxalq Musiqi Festivalı sentyabrın 30-dək davam edəcək.


MƏHƏBBƏT ALLAHVERDİYEV azturktv.az ]]> admin Fri, 18 Sep 2026 18:15:34 +0000 https://azturktv.az/index.php?newsid=37676 https://azturktv.az/index.php?newsid=37676 ]]>


Sentyabrın 18-i dahi bəstəkar, musiqişünas, pedaqoq, publisist, ictimai xadim Üzeyir Hacıbəylinin anadan olmasının 141-ci ildönümüdür.

azturktv.az xəbər verir ki, 2009-cu ildən etibarən Heydər Əliyev Fondu və Mədəniyyət Nazirliyinin təşkilatçılığı ilə Üzeyir Hacıbəylinin adını daşıyan Beynəlxalq Musiqi Festivalı keçirilir. Musiqi bayramı hər il bir sıra ölkələrdən tanınmış ifaçı və kollektivləri bir araya gətirir.

18-30 sentyabrı əhatə edən builki festivalın da zəngin proqramı var. Bakı ilə yanaşı, Ağcabədi, Gəncə, Şuşa, Laçın, Ağdam və Lənkəranda konsert proqramları, tamaşa nümayişləri, sərgilər, təqdimatlar və digər mədəni tədbirlər təşkil olunacaq.

Festival çərçivəsində Özbəkistan, Almaniya və Türkiyədə də müxtəlif səpkili tədbirlər keçiriləcək.

Builki festival eyni zamanda Bakıda Türk Dünyası Bəstəkarlarının I Qurultayı ilə yadda qalacaq.


MƏHƏBBƏT ALLAHVERDİYEV azturktv.az ]]> admin Thu, 17 Sep 2026 18:32:31 +0000 https://azturktv.az/index.php?newsid=37675 https://azturktv.az/index.php?newsid=37675


]]>





Paytaxtın nüfuzlu mədəniyyət ocaqları 28 oktyabr-8 noyabr 2026-cı il tarixlərində keçiriləcək Bakı Beynəlxalq İncəsənət Festivalının (BIAF) builki proqramının əsas iştirakçılarını elan etməyə davam edir.

Bu barədə festivalın mətbuat xidmətindən məlumat verilib.

Qeyd edilib ki, onların arasında musiqi, müasir xoreoqrafiya, dram teatrı və vizual sənətlərin dünyaca tanınmış ulduzları yer alır.

Noyabrın 4-də Heydər Əliyev Mərkəzində dünya səviyyəli skripkaçı David Qarrett Bakıda yeganə konsertini təqdim edəcək. Klassik krosoverin müasir üslubunun formalaşmasında böyük rol oynamış, Zaxar Bron, İda Hendel kimi ustadların yanında klassik musiqi təhsili almış sənətçi "Juilliard" məktəbinin məzunudur. Gənclik illərində o, Yehudi Menuhin də daxil olmaqla görkəmli dirijorlarla əməkdaşlıq edib. Menuhin onu "öz dövrünün ən böyük skripkaçısı" adlandırıb. Güclü akademik baza Qarrettə janrlar və müxtəlif dövrlərin musiqiləri arasında sərbəst hərəkət etmək üçün inam və azadlıq verərək ona "klassik səhnənin Cimi Hendriksi" və "popun Paqaninisi" ləqəblərini qazandırıb. Klassik musiqinin rok ulduzu Bakıya ilk dəfə məşhur "Minilliyin Simfoniyası" ("Millennium Symphony") proqramını gətirəcək.

Bildirilib ki, möhtəşəm şouda son 25 ilin ən böyük hitləri skripka üçün genişmiqyaslı simfonik aranjimanlarda səsləndiriləcək. Tamaşaçıları parlaq texnika, rok səhnəsinin enerjisi və dövrümüzün ən xarizmatik sənətkarlarından birinin yaradıcılıq azadlığının emosional vəhdəti gözləyir. Gözəl axşam üçün ideal məkan olan Heydər Əliyev Mərkəzinin axıcı və sanki çəkisiz görünən memarlığı Qarrettin musiqisindəki güc və hüdudsuzluq hissi ilə ahəng təşkil edir.

Həmin səhnədə noyabrın 3-də və 4-də tanınmış "Rezo Qabriadze Kukla Teatrı" dövrümüzün ən diqqətəlayiq və poetik teatr hadisələrindən biri olan "Alfred və Violetta" tamaşasını təqdim edəcək. Görkəmli gürcü teatr xadimi Rezo Qabriadzenin yazdığı və ilk dəfə səhnələşdirdiyi tamaşa tamamilə yeni quruluşda qayıdır. Müəllif 2021-ci ildə vəfatından az öncə əsəri demək olar ki, yenidən yazıb. Son səhnələşdirməni isə onun oğlu, rejissor Leo Qabriadze tamamlayıb. Aleksandr Dümanın (oğul) "Kameliya xanım" romanından və Cüzeppe Verdinin "Traviata" operasından tanınan klassik sevgi hekayəsi 1990-cı illərin tufanlı Tbilisisinə köçürülür - burada qəhrəmanlar daha ağır sınaqlardan keçməlidirlər. Yenilənmiş tamaşanın dünya premyerası 2022-ci ilin fevralında Venesiyadakı "Teatro Goldoni" teatrında keçirilib. Əsər həm tamaşaçıları, həm də tənqidçiləri heyran edib. İtaliya mətbuatında bu haqda geniş müzakirələr gedib: "Qabriadze yumorla dərin kədəri birləşdirən özünəməxsus teatr üslubunun ustasıdır. O, canlı və duyğulu təsir bağışlayan kuklalar vasitəsilə sirli, bənzərsiz bir dünya yaradır." (La Nuova, Venesiya, 2022).

Mətbuat xidmətinin məlumatına görə, noyabrın 6-da və 7-də Azərbaycan Dövlət Akademik Musiqili Teatrı Bakı tarixində ilk dəfə tanınmış "İngiltərə Milli Baleti" (English National Ballet) truppasını qəbul edəcək. Truppa müasir xoreoqrafların iki seçkin əsərini bir araya gətirən "Hərəkətin ustaları: Forsayt / Payt" proqramını təqdim edəcək. Proqramda Kristal Paytın "Bədən və ruh (I hissə)", Uilyam Forsaytın isə "Pleylist (EP)" əsərləri nümayiş olunacaq. "Bədən və ruh (I hissə)" münaqişə və bağlılığı araşdıran hipnotik əsərdir. Tamaşa intim duetlə başlayıb tədricən genişlənərək səhnə boyunca təsirli hərəkət dalğaları yaradan böyük bir ifaçı qrupuna çevrilir. "Pleylist (EP)" enerjili və şən əsərdir. Burada klassik balet texnikası və atletik hərəkətlər Barri Uayt, Natali Koul və Xalid də daxil olmaqla pop, R&B və haus musiqisinin ritmləri ilə birləşərək tamaşaçıya yüksək əhval-ruhiyyə bəxş edir.

Vurğulanıb ki, digər tanınmış truppa - Sergey Dyaqilevin "Ballets Russes" məktəbinin birbaşa varisləri olan "Monte-Karlo Baleti" (Les Ballets de Monte-Carlo) da Bakıda ilk dəfə çıxış edəcək. Noyabrın 7-də Heydər Əliyev Sarayında onlar görkəmli xoreoqraf Jan Kristof Mayyonun "Qu gölü" baletinə radikal yeni baxışı olan "LAC" əsərinin Bakı premyerasını təqdim edəcəklər. 1993-cü ildən truppaya rəhbərlik edən Mayyon Avropanın ən nüfuzlu müasir xoreoqraflarından biridir. Onun tamaşaları dünyanın aparıcı səhnələrində nümayiş olunur. Mayyon klassik balet ənənələrini müasir teatr dili ilə məharətlə birləşdirməsi ilə tanınır. "LAC" əsərində o, orijinal partituranı qorusa da, səhnə təhkiyəsini tamamilə yenidən qurur və klassik nağılı qaranlıq psixoloji ailə dramına çevirir. 2011-ci ildə Monakoda baş tutan premyerasından bəri "LAC" dünyanın aparıcı teatrlarında nümayiş etdirilib və tənqidçilər tərəfindən bu şah əsərin ən parlaq müasir yozumlarından biri kimi dəyərləndirilib. Bakıdakı təqdimat isə xüsusi əhəmiyyət daşıyır: tamaşa Çaykovskinin orijinal əsərinin yaranmasının 150 illiyinə təsadüf edən yubiley mövsümündə nümayiş olunacaq.

Diqqətə çatdırılıb ki, Qarrett, "Rezo Qabriadze Kukla Teatrı ", "İngiltərə Milli Baleti" və "Monte-Karlo Baleti"nin çıxışları Heydər Əliyev Fondu və Azərbaycan Respublikası Mədəniyyət Nazirliyinin dəstəyi ilə keçirilən Bakı Beynəlxalq İncəsənət Festivalının (BIAF) əsas proqramının yalnız bir hissəsini təşkil edir. Ümumilikdə, festival zamanı Azərbaycan, Birləşmiş Krallıq, İsrail, Kanada, Monako, Rusiya, ABŞ, Fransa və digər ölkələrdən görkəmli sənətkarları və truppaları bir araya gətirən müxtəlif janrlarda 20-dən çox tədbirin baş tutması planlaşdırılır.



MƏHƏBBƏT ALLAHVERDİYEV azturktv.az ]]> admin Thu, 17 Sep 2026 18:29:33 +0000