https://azturktv.az/ az iqtisadiyyat - AzturkTv.az DataLife Engine https://azturktv.az/index.php?newsid=37197 https://azturktv.az/index.php?newsid=37197
]]>


MƏHƏBBƏT ALLAHVERDİYEV azturktv.az


Türkiyədə səfərdə olan kənd təsərrüfatı naziri Məcnun Məmmədov Moldovanın kənd təsərrüfatı və qida sənayesi naziri Ludmila Katlabuqa ilə görüşündə iki ölkə arasında kənd təsərrüfatı sahəsində əməkdaşlığın genişləndirilməsi məsələləri müzakirə olunub.

Kənd Təsərrüfatı Nazirliyindən (KTN) verilən məlumata görə, nazir Məcnun Məmmədov aqrar sahənin iki ölkə arasında əməkdaşlığın ən perspektivli istiqamətlərindən biri olduğunu deyib.

Azərbaycan-Moldova İqtisadi Əməkdaşlıq üzrə Hökumətlərarası Komissiyanın 6-cı iclasına da toxunan nazir bildirib ki, iclasda iki ölkə arasında gələcək əməkdaşlığın bir çox istiqamətləri, o cümlədən kənd təsərrüfatı sahəsində əməkdaşlıq məsələləri barədə fikir mübadiləsi aparılıb.

Vurğulanıb ki, hər iki ölkə ərzaq təhlükəsizliyinin təmin edilməsi, kənd təsərrüfatının iqlim dəyişikliklərinə uyğunlaşdırılması, innovativ texnologiyaların tətbiqi və kənd təsərrüfatı məhsullarının beynəlxalq bazarlarda rəqabət qabiliyyətinin artırılmasına mühüm önəm verir.

M. Məmmədov Azərbaycanda hər il təşkil olunan "Caspian Agro" sərgisinin əhəmiyyətinə toxunub, Moldova tərəfini bu sərgidə milli pavilyonla təmsil olunmağa, moldovalı iş adamlarını sərgidə fəal iştiraka çağırıb.

Görüşdə aqrar sahədə əməkdaşlıq və hüquq-müqavilə bazasının gücləndirilməsi, kənd təsərrüfatı məhsullarının ticarət dövriyyəsinin artırılması, bu sahədə ən müasir texnologiyaların transferi, şərabçılıq sahəsində əməkdaşlığın gücləndirilməsi, aqrar sektorda elmi-tədqiqat və təhsil sahələrində təcrübə proqramlarının həyata keçirilmə məsələləri müzakirə olunub.

Hazırda Azərbaycanda aqrar sektorun rəqəmsallaşması prosesinin həyata keçirildiyi, ölkəmizin bu sahədə əldə etdiyi təcrübəni Moldova tərəfi ilə bölüşməyə hazır olduğu diqqətə çatdırlıb.

Söhbət zamanı kənd təsərrüfatı sahəsində Azərbaycan-Moldova İşçi Qrupunun fəaliyyəti müzakirə olunub, qarşılıqlı maraq doğuran məsələlər barədə geniş fikir mübadiləsi aparılıb. ]]> admin Sat, 06 Jun 2026 18:10:15 +0000 https://azturktv.az/index.php?newsid=37180 https://azturktv.az/index.php?newsid=37180 ]]>

MƏHƏBBƏT ALLAHVERDİYEV azturktv.az

Azərbaycan və Belarus arasında iqtisadi əməkdaşlığın genişləndirilməsi, işgüzar dairələr arasında əlaqələrin gücləndirilməsi və qarşılıqlı ticarətin artım potensialı müzakirə olunub.

Bu barədə İxracın və İnvestisiyaların Təşviqi Agentliyindən (AZPROMO) məlumat verilib.

Bildirilib ki, bu müzakirələr AZPROMO və Belarus Ticarət və Sənaye Palatasının birgə təşkilatçılığı ilə Minsk şəhərində keçirilən Belarus–Azərbaycan biznes forumu çərçivəsində Agentliyin nümayəndələri keçirilən bir sıra görüşlərdə aparılıb.

Belarusun antiinhisar tənzimlənməsi və ticarət nazirinin müavini Oleq Dikun ilə görüşdə ölkələrimiz arasında iqtisadi münasibətlərin mövcud vəziyyəti, tərəfdaşlığın genişləndirilməsi perspektivlərinə dair fikir mübadiləsi aparılıb. Bununla yanaşı, Azərbaycanın Belarusdakı Ticarət Evinin fəaliyyəti, Azərbaycan məhsullarının Belarus bazarında təşviqi və qarşılıqlı ticarətin artırılması imkanları müzakirə olunub. Bu istiqamətdə ixrac potensialı olan məhsullar üzrə məlumat mübadiləsinin aparılmasına dair razılıq əldə olunub.

Belarus Ticarət və Sənaye Palatasının sədri Mixail Myatlikov ilə görüşdə isə biznes dairələri arasında əlaqələrin gücləndirilməsi, birgə tədbirlərin təşkili, sərgi və forumlarda qarşılıqlı iştirak imkanları nəzərdən keçirilib. Tərəflər bir-birini ölkələrində keçiriləcək nüfuzlu beynəlxalq tədbirlərdə iştirak etməyə dəvət ediblər. Bu kontekstdə Minskdə 30 sentyabr - 2 oktyabr tarixlərində keçiriləcək "İnnoProm" sərgisi və cari ilin sentyabr ayında Azərbaycanda keçirilməsi planlaşdırılan II Azərbaycan Beynəlxalq İnvestisiya Forumu qeyd olunub. ]]> admin Thu, 04 Jun 2026 17:32:42 +0000 https://azturktv.az/index.php?newsid=37179 https://azturktv.az/index.php?newsid=37179
MƏHƏBBƏT ALLAHVERDİYEV azturktv.az

Azərbaycan və Slovakiya arasında kiçik və orta biznes subyektləri (KOB) səviyyəsində əməkdaşlığın genişləndirilməsi və yeni investisiya imkanları müzakirə edilib.

azturktv.az bu barədə İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyinə (KOBİA) istinadən xəbər verir.

Məlumata görə, Azərbaycan və Slovakiya arasında sahibkarlıq sahəsində əməkdaşlığın genişləndirilməsi, biznes qurumları arasında əlaqələrin möhkəmləndirilməsi və KOB-lar üçün yeni tərəfdaşlıq imkanlarının araşdırılması məqsədilə KOBİA heyəti Slovakiyada görüşlər keçirib.

Səfər çərçivəsində Bratislava şəhərində KOBİA-nın İdarə Heyətinin sədri Orxan Məmmədov Slovakiyanın İnvestisiya və Ticarətin İnkişafı Agentliyinin (SARIO) baş icraçı direktoru Egon Zorad ilə görüşüb. Görüşdə iki ölkə arasında biznes və ticarət əlaqələrinin inkişafı, investisiyaların təşviqi, eləcə də Azərbaycan və Slovakiyanın KOB subyektləri arasında işgüzar əlaqələrin genişləndirilməsi imkanları müzakirə olunub.

Slovakiya Ticarət və Sənaye Palatasının prezidenti Peter Mihok ilə keçirilən görüşdə sahibkarlığın dəstəklənməsi sahəsində təcrübə mübadiləsi aparılıb. Tərəflər KOB-lar və startaplar arasında əməkdaşlığın təşviqi, biznes əlaqələrinin genişləndirilməsi və gələcək birgə təşəbbüslərin həyata keçirilməsi perspektivlərini müzakirə ediblər. ]]> admin Thu, 04 Jun 2026 17:30:21 +0000 https://azturktv.az/index.php?newsid=37125 https://azturktv.az/index.php?newsid=37125 ]]>

MƏHƏBBƏT ALLAHVERDİYEV azturktv.az

Dünya bazarında "Azeri Light" markalı Azərbaycan neftinin 1 barelinin qiyməti 2,93 ABŞ dolları və ya 2,58 % artaraq 116,41 ABŞ dolları təşkil edib.

Bu barədə neft bazarındakı mənbə məlumat verib.

Hərracların nəticələrinə görə, "Brent" markalı neftin iyul fyuçerslərinin qiyməti 112,2 ABŞ dolları təşkil edib.

Türkiyənin Ceyhan limanında FOB bazasında "Azeri Light" markalı Azərbaycan neftinin bir barelinin qiyməti 2,96 ABŞ dolları və ya 2,67 % artaraq 113,94 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda bu markadan olan neft "Azəri-Çıraq-Günəşli" (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 31,65 %-dir. ]]> admin Sat, 16 May 2026 17:57:28 +0000 https://azturktv.az/index.php?newsid=37124 https://azturktv.az/index.php?newsid=37124 ]]>
MƏHƏBBƏT ALLAHVERDİYEV azturktv.az

Böyük Britaniya kralı III Çarlz "Vindzor Kral Atçılıq Şousu"nda Qarabağ atlarının şousunu izləyib

Bu barədə Azərbaycan Atçılıq Federasiyasından (ARAF) məlumat verilib.

Bildirilib ki, "Vindzor Kral Atçılıq Şousu" Böyük Britaniyada hər il ənənəvi olaraq keçirilir. Azərbaycanı ilk dəfə tədbirdə Heydər Əliyev Fondunun dəstəyi və Atçılıq Federasiyasının təşkilatçılığı ilə 150 nəfərlik böyük nümayəndə heyəti təmsil edir.

Bu ilin ən möhtəşəm çıxışlarından "Azerbaijan – Land of Fire" şou-kompozisiyasında çılğınlığı və gözəlliyi ilə seçilən Qarabağ atları, zərif Azərbaycan rəqsləri, ecazkar milli musiqi və orkestrin çıxışları nümayiş etdirilib.

Dövlət Sərhəd Xidmətinin (DSX) rəqs ansamblı və süvarilər dəstəsi 23 Qarabağ atı ilə Azərbaycanı növbəti dəfə yüksək səviyyədə təmsil edərək tamaşaçıların böyük rəğbətini qazanıb.

Şou-kompozisiyanın rəhbəri əməkdar artist Gövhər Həsənzadə, quruluşçu rejissoru və xoreoqrafı DSX-nın əməkdaşı əməkdar artist Fərid İbrahimov, süvarilər dəstəsinin məşqçisi baş təlimatçı İmran Əhmədli, Nümunəvi Hərbi Orkestrin baş dirijoru əməkdar artist Səməd Vəkilovdur.

Peşəkar Azərbaycan musiqisinin banisi, dahi bəstəkar Üzeyir Hacıbəylinin ölməz yaradıcılığının şah əsərlərindən sayılan, klassik Azərbaycan musiqisinin incisi olan "Arşın mal alan" operettasının ecazkar musiqisi əsasında hazırlanmış rəngarəng və duyğusal kompozisiya tamaşaçılara təqdim olunub.

Tədbirdə iştirak edən İngiltərə kralı III Çarlz Azərbaycan nümayəndə heyətini hörmət və ehtiramla qarşılanıb, "Azerbaijan – Land of Fire" şou-kompozisiyasını yüksək maraqla izləyib.

Operettada əsas qəhrəman obrazları böyük ustalıq və yüksək peşəkarlıqla canlandırılıb. Gülçöhrə obrazını Əməkdar artist Afaq Abbasova və solist Fatimə Cəfərzadə, Əskər obrazını Əməkdar artist Tural Ağasiyev və solist Fəhri Kəzım Nicat, Vəli obrazını isə Rauf Zeynalov canlandırıblar.

Qeyd edək ki, nümayəndə heyətinin çıxışları may ayının 17-dək davam edəcək və "Land of Fire" polo komandasının çıxışı bu gün baş tutacaq.

]]> admin Sat, 16 May 2026 17:51:45 +0000 https://azturktv.az/index.php?newsid=37090 https://azturktv.az/index.php?newsid=37090

]]>


MƏHƏBBƏT ALLAHVERDİYEV azturktv.az

Azərbaycan Dövlət Neft Şirkətinin (SOCAR) prezidenti Rövşən Nəcəf Daşkənd şəhərində keçirilən "Özbəkistanın nefti və qazı (OGU-2026)" 28-ci beynəlxalq sərgi-konfransında iştirak edib.

Bu barədə azturktv.az SOCAR-a istinadən xəbər verir. Tədbir çərçivəsində Özbəkistan Prezidenti Şavkat Mirziyoyev SOCAR-ın prezidenti Rövşən Nəcəfi, BP şirkətinin baş vitse-prezidenti Ariel Floresi, BP-nin Azərbaycan, Gürcüstan və Türkiyə üzrə regional prezidenti Ciovanni Kristofolini qəbul edib.

R. Nəcəf Özbəkistan Prezidenti Şavkat Mirziyoyevə Azərbaycan Prezidenti İlham Əliyevin salamlarını və ən xoş arzularını çatdırıb.

Ş. Mirziyoyev Prezident İlham Əliyevin salamlarına görə minnətdarlığını bildirib, onun da salamlarını Azərbaycan Prezidentinə çatdırmağı xahiş edib.

SOCAR prezidenti BP-nin baş vitse-prezidenti və şirkətin Azərbaycan, Gürcüstan və Türkiyə üzrə regional prezidenti ilə birgə Özbəkistanın energetika naziri Jurabek Mirzamahmudov və "Uzbekneftegaz" ASC İdarə Heyətinin sədri Abdugani Sanginov ilə üçtərəfli görüşlər keçirib.

Görüşlərdə Azərbaycan və Özbəkistan prezidentləri tərəfindən müəyyənləşdirilən uzaqgörən siyasətə uyğun olaraq, "Üstyurt" layihəsinin uğurla həyata keçirildiyi qeyd olunub. Müzakirələr zamanı "Üstyurt" investisiya blokları üzrə kəşfiyyat, işlənmə və hasilat fəaliyyətlərinin icrasına, tərəflər arasında əməkdaşlığın genişləndirilməsinə dair məsələlər barədə fikir mübadiləsi aparılıb. Üçtərəfli görüşlərdən sonra BP şirkətinin "Üstyurt" investisiya bloklarının kəşfiyyatı, işlənməsi və hasilatı üzrə Pay Bölgüsü Sazişinə qoşulmasına dair sənədlər imzalanıb.

SOCAR prezidentinin "MOL Group" şirkətinin icraçı vitse-prezidenti Zsombor Marton ilə görüşündə şirkətlər arasında uzunmüddətli tərəfdaşlıq münasibətlərindən məmnunluq ifadə olunub, birgə həyata keçirilən layihələrin icra vəziyyəti nəzərdən keçirilib.

R. Nəcəf tədbir çərçivəsində OGU-2026 sərgisi ilə də tanış olub.

SOCAR sərgidə öz pavilyonu ilə təmsil olunur. Stenddə SOCAR-ın müxtəlif fəaliyyət istiqamətləri, Azərbaycanda və xarici ölkələrdə həyata keçirilən əməliyyatlar, neft və qaz boru kəmərləri sistemi, "yaşıl enerji" təşəbbüsləri, rəqəmsal həllər və digər strateji layihələri haqqında məlumatlar ziyarətçilərə təqdim edilir.

Qeyd edək ki, SOCAR-ın pavilyonu OGU2026 beynəlxalq sərgisində "Ən Yaxşı Milli Stend Dizaynı" nominasiyası üzrə mükafata layiq görülüb.

]]> admin Wed, 13 May 2026 17:52:22 +0000 https://azturktv.az/index.php?newsid=37089 https://azturktv.az/index.php?newsid=37089 ]]>

MƏHƏBBƏT ALLAHVERDİYEV azturktv.az

Bu ilin mart ayında Bakı-Tbilisi-Ceyhan (BTC) boru kəməri ilə gündəlik neft ixracı 588 min barel təşkil edib.

Bu barədə azturktv.az OPEC-in aylıq məlumatlarına istinadən xəbər verir.

Məlumata görə, bu, fevral ayı ilə müqayisədə 13 % və yaxud 70 min barel çoxdur.

Ümumilikdə, bu ilin martında BTC ilə neftin nəqli ötən ilin martının göstəricisinə uyğun olub. ]]> admin Wed, 13 May 2026 17:48:14 +0000 https://azturktv.az/index.php?newsid=37058 https://azturktv.az/index.php?newsid=37058 ]]>

MƏHƏBBƏT ALLAHVERDİYEV azturktv.az
İslam İnkişaf Bankı (IsDB) Qrupunun sədri Məhəmməd Əl-Casirin rəhbərlik etdiyi nümayəndə heyəti Ələt Azad İqtisadi Zonasına səfər edib.

azturktv.az bu barədə İqtisadiyyat Nazirliyinə istinadən xəbər verir.

Məlumata görə, səfər çərçivəsində nazir müavini Səməd Bəşirli və Zonanın Səlahiyyətli Qurumunun İdarə Heyətinin sədri Valeh Ələsgərov nümayəndə heyəti ilə görüşüb.

Qonaqlara Zonanın investisiya mühiti, xüsusi hüquqi rejimi, təşviq mexanizmləri, hazır infrastruktur və logistik üstünlükləri diqqətə çatdırılıb, investisiya mühiti, xüsusi hüquqi rejimi, təşviq mexanizmləri, hazır infrastruktur və logistik üstünlükləri barədə məlumat verilib. Bildirilib ki, Zonada həyata keçirilən layihələr və görülən infrastruktur işləri investorlar üçün əlverişli biznes mühiti formalaşdırır.

M.Əl-Casir görülən işləri yüksək qiymətləndirərək, xüsusilə beynəlxalq hava limanı layihəsinin əhəmiyyətini vurğulayıb və "bir pəncərə" prinsipinin tətbiqinin investisiya mühitinin cəlbediciliyini artırdığını qeyd edib.

Nümayəndə heyəti Ələt Azad İqtisadi Zonasında yaradılan şəraitlə tanış olub, yüngül sənaye sahələri üzrə görülən işləri və ərazidə inşa olunan beynəlxalq hava limanının tikinti prosesini izləyib. ]]> admin Fri, 08 May 2026 18:42:01 +0000 https://azturktv.az/index.php?newsid=37057 https://azturktv.az/index.php?newsid=37057 ]]>
MƏHƏBBƏT ALLAHVERDİYEV azturktv.az

Azərbaycan və Efiopiya arasında iqtisadi-ticarət əlaqələrinin inkişafı, investisiya əməkdaşlığının genişləndirilməsi, sənaye, enerji və kənd təsərrüfatı sahələrində tərəfdaşlıq imkanları müzakirə olunub.

azturktv.az bu barədə İqtisadiyyat Nazirliyinə istinadən xəbər verir.

Məlumata görə, nazirin I müavini Elnur Əliyevin rəhbərlik etdiyi nümayəndə heyəti Efiopiyaya səfər edərək bu ölkənin ticarət və regional inteqrasiya naziri Kassahun Gofe ilə görüş keçirib. Görüşdə iki ölkə arasında yüksək səviyyəli münasibətlərin mövcud olduğu vurğulanıb. İqtisadi əməkdaşlığın inkişafı üçün müqavilə-hüquq bazasının genişləndirilməsinin və institusional əməkdaşlıq mexanizmlərinin formalaşdırılmasının vacibliyi vurğulanıb. Ticarət və investisiya əlaqələrinin genişləndirilməsi məqsədilə qarşılıqlı biznes missiyalarının təşkili, işgüzar dairələr arasında əlaqələrin gücləndirilməsi və investisiya təşviqi tədbirlərinin əhəmiyyəti qeyd edilib.

Efiopiyanın mədən üzrə dövlət naziri Birhani Yadesa ilə görüşdə enerji və təbii resurslar sahəsində işbirliyi imkanları, o cümlədən bərpa olunan enerji istiqamətində tərəfdaşlıq perspektivləri müzakirə olunub. Azərbaycanın enerji sahəsində təcrübəsi və beynəlxalq layihələrdə iştirakı barədə məlumat verilib, bu sahədə bilik və təcrübə mübadiləsinin əhəmiyyəti vurğulanıb.

Tərəflər sənaye zonaları və logistika sahəsində əməkdaşlıq barədə fikir mübadiləsi aparıblar. Azərbaycanda investorlar üçün yaradılmış əlverişli biznes və investisiya mühiti, işğaldan azad edilmiş ərazilər, Ələt azad iqtisadi zonası və sənaye zonalarında investorlar üçün tətbiq edilən güzəşt və stimullar diqqətə çatdırılıb.

Afrika İttifaqının kənd təsərrüfatı, kənd inkişafı, mavi iqtisadiyyat və davamlı ətraf mühit məsələləri üzrə komissarı Moses Vilakati ilə görüşdə kənd təsərrüfatı və ərzaq təhlükəsizliyi sahəsində əməkdaşlıq məsələləri müzakirə olunub. Aqrar sahədə innovativ həllərin tətbiqi, su resurslarının səmərəli idarə olunması və kənd yerlərinin dayanıqlı inkişafı istiqamətlərində təcrübə mübadiləsinin önəmi vurğulanıb.

Görüşdə kiçik və orta biznes subyektləri arasında tərəfdaşlığın genişləndirilməsinin iqtisadi əlaqələrin inkişafında mühüm rol oynadığı bildirilib. Tərəflər sahibkarlığın təşviqi, biznes mühiti üzrə təcrübə mübadiləsi və birgə layihələrin həyata keçirilməsi imkanlarını nəzərdən keçiriblər.

Görüşlərdə Azərbaycanın strateji coğrafi mövqeyi diqqətə çatdırılıb. Bildirilib ki, ölkəmizin Şərq-Qərb və Şimal-Cənub nəqliyyat marşrutlarının kəsişməsində yerləşməsi regional və beynəlxalq ticarət əlaqələrinin genişləndirilməsi baxımından mühüm üstünlüklər yaradır. Azərbaycanın müasir nəqliyyat-logistika infrastrukturu Afrika ölkələri ilə ticarət əlaqələrinin inkişafı üçün də yeni imkanlar açır.

Səfər çərçivəsində keçirilən görüşlərin Azərbaycan ilə Efiopiya, eləcə də Afrika İttifaqı ilə iqtisadi əməkdaşlığın genişləndirilməsinə və yeni tərəfdaşlıq istiqamətlərinin müəyyənləşdirilməsinə töhfə verəcəyi vurğulanıb. ]]> admin Fri, 08 May 2026 18:36:04 +0000 https://azturktv.az/index.php?newsid=37026 https://azturktv.az/index.php?newsid=37026 ]]>

MƏHƏBBƏT ALLAHVERDİYEV azturktv.az
Azərbaycan Belarusla maşınqayırma və müxtəlif təyinatlı sənaye məhsullarının istehsalı sahəsində birgə layihələrin həyata keçirilməsi imkanları müzakirə edib.

azturktv.az xəbər verir ki, bununla bağlı müzakirələr iqtisadiyyat nazirinin birinci müavini Elnur Əliyevin Belarus Respublikasının sənaye naziri Andrey Kuznetsov ilə keçirilən görüşdə aparılıb.

Bu çərçivədə Ağdam Sənaye Parkı ərazisində istehsal müəssisəsinin qurulması perspektivləri nəzərdən keçirilib.

Görüşdə Azərbaycan və Belarus iqtisadi əlaqələrinin cari vəziyyəti təhlil olunub, xüsusilə sənaye sahəsində əməkdaşlığın genişləndirilməsi imkanları ətrafında fikir mübadiləsi aparılıb. ]]> admin Tue, 05 May 2026 17:10:02 +0000