https://azturktv.az/ az idman - AzturkTv.az DataLife Engine https://azturktv.az/index.php?newsid=38293 https://azturktv.az/index.php?newsid=38293 ]]>
MƏHƏBBƏT ALLAHVERDİYEV azturktv.az

Azərbaycan millisinin üzvü Polina Şukina NBA, WNBA və FIBA-nın birgə təşkil etdiyi "Basketball Without Borders" (BWB) proqramının qadınlar üçün nəzərdə tutulan "BWB Next Up" düşərgəsinə seçilib.

Bu barədə Azərbaycan Basketbol Federasiyasının mətbuat xidmətindən bildirilib.

Sinqapurda keçiriləcək düşərgədə dünyanın müxtəlif ölkələrindən 80 perspektivli gənc basketbolçu yer alacaq. Bununla da Azərbaycan ilk dəfə sözügedən proqramda təmsil olunacaq.

Noyabrın 18-dən 21-dək davam edəcək düşərgə müddətində iştirakçılar tanınmış basketbolçular və məşqçilərin rəhbərliyi altında məşqlərdə, həmçinin oyunlarda iştirak edərək bacarıqlarını inkişaf etdirmək imkanı qazanacaqlar. Ən yaxşı oyunçular "BWB All-Star" düşərgəsinə seçilmək şansı əldə edəcəklər.

Qeyd edək ki, P.Şukina 2025-ci ildə U-16 Avropa çempionatının B divizionunda ən çox xal toplayan üç basketbolçudan biri olub. O, 2026-cı ildə keçirilən U-18 Avropa çempionatının B divizionunda isə ribaund və effektivlik göstəricilərinə görə turnirin lideri olub.




]]> admin Mon, 09 Nov 2026 17:52:30 +0000 https://azturktv.az/index.php?newsid=38292 https://azturktv.az/index.php?newsid=38292 ]]>


MƏHƏBBƏT ALLAHVERDİYEV azturktv.az
UEFA Fransa Futbol Federasiyasını 10 min avro cərimələyib.

azturktv.az "L'Equipe" nəşrinə istinadən xəbər verir ki, buna UEFA Millətlər Liqasında Fransa millisinin Belçika ilə matçının gec başlaması səbəb olub.

Fransanın 1:0 hesablı qələbəsi ilə yekunlaşan görüşün startı meydan sahiblərinin futbolçularının geyimindəki problemlər səbəbindən bir neçə dəqiqə yubanıb. Geyimlərinin üzərində uyğunsuz rəngdə olan lentin meydana çıxmazdan əvvəl dəyişdirilməsi tələb edilib.

UEFA baş verənləri Millətlər Liqasının reqlamentinin 6.07-ci bəndinin pozulması kimi qiymətləndirib. Həmin müddəaya əsasən, milli federasiyalar oyunçuların geyimi haqqında məlumatı öncədən UEFA-ya təqdim etməlidirlər. Bundan əlavə, geyimlərin üzərindəki lent və sarğılar şəffaf olmalı, həmçinin rənglər uyğunluq təşkil etməlidir.

Qeyd edək ki, 4 turdan sonra Fransa 10 xalla A Liqasının I qrupuna başçılıq edir, Belçika isə 6 xalla 3-cü pillədə qərarlaşıb.



]]> admin Mon, 09 Nov 2026 17:48:52 +0000 https://azturktv.az/index.php?newsid=38258 https://azturktv.az/index.php?newsid=38258 ]]>
MƏHƏBBƏT ALLAHVERDİYEV azturktv.az

"Sərhədçi" komandası Peşəkar Çövkən Liqasının qalibi olub.

azturktv.az xəbər verir ki, sərhədçilər bu tur "Zəfər"i 1:0 hesabı ilə məğlub etməklə son oyunun nəticəsindən asılı olmayaraq ölkə çempionu adını qazanıblar.

Turun mərkəzi qarşılaşmasında "Elite" kollektivi "Polad"a 2:3 hesabı ilə məğlub olaraq çempionluq şansını itirib.

Çempionatın son turunda "Sərhədçi" ilə "Elite" üz-üzə gələcək. "Elite" qələbə qazana bilməsə, digər oyunda "Polad" "Şamaxı"nı məğlub edərsə halda "Polad" komandası gümüş medallara sahib çıxacaq.



]]> admin Sat, 07 Nov 2026 17:32:24 +0000 https://azturktv.az/index.php?newsid=38257 https://azturktv.az/index.php?newsid=38257 ]]>

MƏHƏBBƏT ALLAHVERDİYEV azturktv.az
Bakıda keçirilən yanğınsöndürmə və xilasetmə idmanı üzrə kişilər arasında XXI, qadınlar arasında XII dünya çempionatının proqramına uyğun olaraq, noyabrın 7-də son mərhələ olan döyüş açılışı növü üzrə yarışlar keçirilib.

Bu barədə Fövqəladə Hallar Nazirliyindən məlumat verilib.

Bildirilib ki, yarışların yekununda qaliblər və mükafatçılar müəyyənləşib.

Kişilər arasında döyüş açılışı növündə komandalar arasında I yeri Qazaxıstan Respublikası, II yeri Monqolustan, III yeri isə Özbəkistan Respublikasının komandası tutub.

Qadınlar arasında I yerə Rusiya Federasiyası, II yerə Belarus Respublikası, III yerə isə Qazaxıstan Respublikasının komandası layiq görülüb.

Qalib və mükafatçılara medalları Yanğınsöndürənlərin və Xilasedicilərin Beynəlxalq İdman Federasiyasının baş katibi Andrey Kulik təqdim edib. Mükafatlandırma mərasimində qalib ölkələrin dövlət himnləri səsləndirilib.






]]> admin Sat, 07 Nov 2026 17:27:15 +0000 https://azturktv.az/index.php?newsid=38238 https://azturktv.az/index.php?newsid=38238


]]>

MƏHƏBBƏT ALLAHVERDİYEV azturktv.az
Abşeron Olimpiya İdman Kompleksində kəmər dərəcələri üzrə növbəti rəsmi imtahan keçirilib.

Bu barədə Azərbaycan Cüdo Federasiyasından (ACF) məlumat verilib.

ACF-nin təşkilatçılığı ilə baş tutan prosesə ümumilikdə 302 cüdoçu qatılıb. İştirakçılar yaş uyğunluğu nəzərə alınmaqla ağ-sarı, sarı, narıncı, yaşıl, göy və qəhvəyi kəmər dərəcələri üzrə texniki bilik və bacarıqlarını nümayiş etdiriblər.

Müəyyən olunmuş tələbləri yerinə yetirən idmançılara müvafiq kəmər və sertifikatlar təqdim olunub.

Kəmər imtahanları cüdoçuların texniki hazırlığının mərhələli və sistemli şəkildə inkişafına, öyrəndiklərinin möhkəmləndirilməsinə və motivasiyanın artırılmasına xidmət edir. Müvafiq dərəcəyə sahib olmaq eyni zamanda bir sıra nüfuzlu daxili yarışlarda iştirak üçün vacib şərtlərdən biridir.






]]> admin Thu, 05 Nov 2026 17:52:18 +0000 https://azturktv.az/index.php?newsid=38237 https://azturktv.az/index.php?newsid=38237 ]]>
MƏHƏBBƏT ALLAHVERDİYEV azturktv.az

Noyabrın 11-dən 12-dək Bakıda eşitmə qüsurlu cüdoçular arasında V Avropa çempionatı keçiriləcək.

azturktv.az xəbər verir ki, qitə çempionatında 12 ölkədən 80-nə yaxın cüdoçu yarışacaq.

Azərbaycanda ilk dəfə təşkil olunan Avropa çempionatı ilə bağlı Milli Olimpiya Komitəsinin (MOK) inzibati binasında görüş keçirilib.

Görüşdə Azərbaycan Deflimpiya Komitəsinin (ADK) baş katibi Namiq Novruzov, Milli Olimpiya Komitəsinin idman idarəsinin müdiri, Azərbaycan Deflimpiya Komitəsinin idman şöbəsinin müdiri Həsənağa Rzayev, Komitə əməkdaşları və könüllülər iştirak ediblər.


]]> admin Thu, 05 Nov 2026 17:49:03 +0000 https://azturktv.az/index.php?newsid=38215 https://azturktv.az/index.php?newsid=38215 ]]>

MƏHƏBBƏT ALLAHVERDİYEV azturktv.az

Azərbaycan gimnastları Çinin Nankin şəhərində keçirilən batut gimnastikası və tamblinq üzrə dünya çempionatında mübarizə aparırlar.

Azərbaycan Gimnastika Federasiyasından verilən məlumata görə, mundialda ölkəmizi batut gimnastikası üzrə qarışıq sinxron proqramda 2026-cı il Dünya kuboku seriyasının qalibləri Selcan Mahsudova və Maqsud Mahsudov, kişi sinxron proqramında isə eyni titula sahib olan Maqsud Mahsudov və Hüseyn Abbasov təmsil edirlər.

Selcan Mahsudova və Maqsud Mahsudov həmçinin fərdi proqramda da öz bacarıqlarını nümayiş etdirəcəklər.

Tamblinq üzrə millinin heyətində isə komanda hesabında ikiqat dünya çempionları Mixail Malkin, Tofiq Əliyev, Adil Hacızadə və Aleksey Karataşov yer alırlar. Təcrübəli gimnastlar həm fərdi, həm də komanda yarışlarında növbəti uğurlarını qazanmaq əzmindədirlər.

Qeyd edək ki, Aleksey Karataşov ilk dəfə böyüklər arasında dünya çempionatında debüt edir.

Çempionatın ilk təsnifat günü Azərbaycan gimnastları üçün uğurlu nəticələrlə yadda qalıb. Batut gimnastikası üzrə qarışıq sinxron proqramda çıxış edən Selcan Mahsudova və Maqsud Mahsudov 50.250 xal toplayaraq yarımfinal mərhələsinə vəsiqə qazanıblar.

Tamblinq üzrə təmsilçilərimiz də inamlı çıxışları ilə fərqləniblər. Tofiq Əliyev 59.500 xalla təsnifat mərhələsini lider kimi tamamlayaraq növbəti mərhələyə yüksəlib. Mixail Malkin isə 57.100 xalla dördüncü pillədə qərarlaşaraq ikinci təsnifat mərhələsində iştirak etmək hüququ əldə edib.

Komanda yarışlarında da gimnastlar uğurlu nəticəyə imza atıblar. Tamblinq üzrə yığma ümumilikdə 87.200 xal toplayaraq sıralamanın 1-ci pilləsindən final mərhələsinə vəsiqəni təmin edib.

Noyabrın 5-də isə batut gimnastikası üzrə fərdi proqramlarda mübarizəyə start veriləcək. Selcan Mahsudova və Maqsud Mahsudov bu dəfə fərdi çıxışları ilə ölkəmizi təmsil edəcəklər.

Dünya çempionatına noyabrın 8-də yekun vurulacaq.



]]> admin Wed, 04 Nov 2026 18:53:09 +0000 https://azturktv.az/index.php?newsid=38214 https://azturktv.az/index.php?newsid=38214 ]]>
MƏHƏBBƏT ALLAHVERDİYEV azturktv.az

Azərbaycan paralimpiyaçısı Aysel Əhmədli Bolqarıstanın paytaxtı Sofiyada keçirilən 16-cı WSF Şotokan karate üslubu üzrə Avropa çempionatının qalibi olub.

Bu barədə Azərbaycan Milli Paralimpiya Komitəsindən bildirilib.

O, parakarate yarışlarının K10 kateqoriyasında qızıl medal qazanaraq fəxri kürsünün ən yüksək pilləsinə qalxıb.





]]> admin Wed, 04 Nov 2026 18:48:43 +0000 https://azturktv.az/index.php?newsid=38194 https://azturktv.az/index.php?newsid=38194 ]]>
MƏHƏBBƏT ALLAHVERDİYEV azturktv.az

Azərbaycanı təmsil edən İmran və İbrahim Novruzi qardaşları Türkiyənin Antalya şəhərində keçirilən Beynəlxalq Mental Arifmetika Olimpiadasında uğur qazanıblar.

azturktv.az xəbər verir ki, Olimpiadada İmran Novruzi öz kateqoriyası üzrə birinci yerə layiq görülüb.

Onun kiçik qardaşı İbrahim Novruzi isə öz kateqoriyasında "Super Çempion" titulunu qazanıb. İbrahim Novruzi əldə etdiyi nəticəyə görə pul mükafatı da alıb.

Qeyd edək ki, oktyabrın 31-dən noyabrın 1-dək davam edən yarışda 16 ölkənin nümayəndələri iştirak ediblər.



]]> admin Tue, 03 Nov 2026 17:22:56 +0000 https://azturktv.az/index.php?newsid=38193 https://azturktv.az/index.php?newsid=38193 ]]>
MƏHƏBBƏT ALLAHVERDİYEV azturktv.az
Gənclər və idman naziri Fərid Qayıbov ötən ay ərzində beynəlxalq yarışlarda yüksək nəticələr əldə etmiş idmançılarla görüşüb.

Bu barədə Gənclər və İdman Nazirliyindən məlumat verilib.

Azərbaycan İdman Akademiyasında keçirilən görüş Dövlət Himninin səsləndirilməsi ilə başlayıb.

Nazir çıxışında idmançıların beynəlxalq arenalarda qazandıqları uğurları yüksək qiymətləndirib, onları və məşqçilərini təbrik edib.

O, oktyabr ayı ərzində beynəlxalq yarışlarda Azərbaycan Respublikasının Dövlət Himninin 17 ölkədə səsləndirildiyini bildirib. İdmançılar ümumilikdə 51 qızıl, 43 gümüş və 74 bürünc medal qazanıblar.

Tədbirdə beynəlxalq arenalarda qazanılmış nailiyyətləri əks etdirən videoçarx nümayiş olunub. Bir sıra idman növlərinin nümayəndələri iştirak etdikləri beynəlxalq yarışlar və əldə etdikləri nəticələr barədə məlumat veriblər.

Sonda F.Qayıbov idmançılara qarşıdakı yarışlarda daha böyük uğurlar və qələbələr arzulayıb.

Görüşdə nazirin mentoru olduğu, "Yüksəliş" müsabiqəsinin qalibi, Ədliyyə Nazirliyinin Tibb Baş İdarəsinin poliklinika rəisi Ramil Hüseynzadə də iştirak edib.

]]> admin Tue, 03 Nov 2026 17:20:28 +0000