https://azturktv.az/ az dunya - AzturkTv.az DataLife Engine https://azturktv.az/index.php?newsid=37313 https://azturktv.az/index.php?newsid=37313 ]]>
MƏHƏBBƏT ALLAHVERDİYEV azturktv.az

İran beynəlxalq hüquq çərçivəsində diplomatiyanı davam etdirməyə hazırdır.

azturktv.az ISNA-ya istinadən xəbər verir ki, bunu İran Prezidenti Məsud Pezeşkian türkiyəli həmkarı Rəcəb Tayyib Ərdoğanla telefon danışığı zamanı deyib.

O, regionda sülhün bərqərar olması üçün diplomatik prosesin davam etdirilməsinin vacibliyini vurğulayıb:

"İran müharibə axtarmayıb və axtarmır. Qanunsuz hücumu ABŞ və İsrail edib".

20:39

Türkiyə Prezidenti Rəcəb Tayyib Ərdoğan iranlı həmkarı Məsud Pezeşkianla telefon danışığı aparıb və tərəflər ABŞ-İran razılaşmasını müzakirə ediblər.

azturktv.az xəbər verir ki, bu barədə məlumat Türkiyə Prezident Administrasiyasının Kommunikasiya İdarəsinin "X" sosial şəbəkə hesabında paylaşılıb.

Telefon danışığı zamanı Türkiyə-İran ikitərəfli münasibətləri, həmçinin regional və qlobal gündəmdə yer alan məsələlər müzakirə olunub.

Ərdoğan İran ilə ABŞ arasında əldə olunan razılaşmanı müsbət qiymətləndirdiyini bildirib. O qeyd edib ki, Türkiyə prosesin sülhlə nəticələnməsi üçün bütün mümkün dəstəyi göstərməyə hazırdır.

Türkiyə lideri danışıqlar prosesini pozmağa çalışan qüvvələrə qarşı diqqətli davranmağın vacibliyini vurğulayıb.

Ərdoğan yeni dövrdə regional sülhün və sabitliyin möhkəmləndirilməsi istiqamətində addımların atılmasının zəruri olduğunu qeyd edib və Ankaranın bu məqsədə nail olunması üçün fəaliyyətini davam etdirəcəyini bildirib.

Telefon danışığı zamanı Türkiyə ilə İran arasında ticarət, maliyyə və enerji sahələrində əməkdaşlığın inkişaf etdirilməsi istiqamətində səylərin davam etdiriləcəyi də diqqətə çatdırılıb. ]]> admin Mon, 22 Jun 2026 18:59:52 +0000 https://azturktv.az/index.php?newsid=37312 https://azturktv.az/index.php?newsid=37312 ]]>

MƏHƏBBƏT ALLAHVERDİYEV azturktv.az
Türkiyə Prezidenti Rəcəb Tayyib Ərdoğan İraqın Baş naziri Əli əl-Zeydi ilə telefon danışığı aparıb.

azturktv.az xəbər verir ki, bu barədə məlumat Türkiyə Prezident Administrasiyasının Kommunikasiya İdarəsinin "X" sosial şəbəkə hesabında paylaşılıb.

Məlumata görə, danışıq zamanı Türkiyə-İraq ikitərəfli münasibətləri, həmçinin regional və qlobal məsələlər müzakirə olunub.

Ərdoğan yeni dövrdə Türkiyə ilə İraq arasında əlaqələrin daha da inkişaf etdirilməsində maraqlı olduqlarını bildirib. O, xüsusilə enerji, müdafiə sənayesi və nəqliyyat sahələrində əməkdaşlıq potensialının böyük olduğunu vurğulayıb.

Türkiyə lideri geniş məsləhətləşmələrin aparılması məqsədilə Əli Zeydini Türkiyəyə səfərə dəvət edib. ]]> admin Mon, 22 Jun 2026 18:56:11 +0000 https://azturktv.az/index.php?newsid=37311 https://azturktv.az/index.php?newsid=37311 ]]>

MƏHƏBBƏT ALLAHVERDİYEV azturktv.az

Pakistanın Baş naziri Şahbaz Şərifin dəvəti ilə İran Prezidenti Məsud Pezeşkian 23 iyun 2026-cı il tarixində Pakistana dövlət səfəri edəcək.

azturktv.az xəbər verir ki, bu barədə Pakistanın Xarici İşlər Nazirliyi (XİN) məlumat yayıb.

"Pezeşkianı nazirlər və digər yüksək rütbəli rəsmilərin də daxil olduğu yüksəksəviyyəli nümayəndə heyəti müşayiət edəcək", - XİN-in məlumatında bildirilib.

Səfər zamanı M. Pezeşkianın Ş. Şəriflə danışıqlar aparacağı qeyd olunub. Pezeşkianın Pakistana sayca ikinci səfərində əsas müzakirə mövzusu ABŞ ilə İslamabad Anlaşma Memorandumunun imzalanmasından sonra davam edən diplomatik təmaslar, eləcə də qarşılıqlı maraq doğuran regional və beynəlxalq proseslər olacaq:

"Səfər əsnasında tərəflər ikitərəfli əlaqələrin tam spektrini nəzərdən keçirəcək və ticarət, enerji, sərhəd təhlükəsizliyi və regional əlaqələr daxil olmaqla, müxtəlif sektorlar üzrə əməkdaşlığı daha da dərinləşdirmək üçün yeni yolları araşdıracaqlar".

]]> admin Mon, 22 Jun 2026 18:52:02 +0000 https://azturktv.az/index.php?newsid=37310 https://azturktv.az/index.php?newsid=37310 ]]>
MƏHƏBBƏT ALLAHVERDİYEV azturktv.az

Türkiyə Xarici İşlər Nazirliyi (XİN) iyunun 22-də Qara dənizdə yük gəmisinə hücum nəticəsində ölkənin iki vətəndaşının yaralandığı barədə məlumat yayıb.

azturktv.az xəbər verir ki, XİN hadisənin Ukraynanın Çernomorsk limanı sahillərində baş verdiyini bildirib.

Qeyd olunub ki, pilotsuz uçuş aparatı tərəfindən hücuma məruz qalan Türkiyəyə məxsus, Panama bayrağı altında üzən gəminin heyət üzvləri olan Türkiyə vətəndaşlarının vəziyyəti Türkiyənin Kiyevdəki səfirliyi və Odessadakı Baş Konsulluq tərəfindən yaxından nəzarətə götürülüb:

"Qara dənizdə maraqlarımızı və regional təhlükəsizliyimizi təhdid edən bu hücumlarla bağlı narahatlığımızı hər iki ölkənin hakimiyyət orqanlarına bildiririk. Qara dənizdə mülki gəmilərin naviqasiya təhlükəsizliyinin təmin edilməsi ölkəmizin əsas prioritetlərindən biridir və bütün müvafiq tərəfləri regionda gərginliyi azaltmaq üçün tədbirlər görməyə çağırırıq", - məlumatda qeyd olunub. ]]> admin Mon, 22 Jun 2026 18:49:53 +0000 https://azturktv.az/index.php?newsid=37278 https://azturktv.az/index.php?newsid=37278 ]]>

MƏHƏBBƏT ALLAHVERDİYEV azturktv.az
Türkiyənin xarici işlər naziri Hakan Fidan Rusiyaya rəsmi səfəri çərçivəsində Moskvada bir sıra görüşlər keçirib.

azturktv.az xəbər verir ki, bu barədə "Haber Global" məlumat yayıb.

Məlumata görə, H. Fidan Rusiya Prezidenti Vladimir Putinin köməkçisi Vladimir Medinski ilə görüşüb. Görüşdə ikitərəfli münasibətlər və regional məsələlər ətrafında fikir mübadiləsinin aparıldığı bildirilib.

H. Fidan səfər çərçivəsində Putinin digər müşaviri İqor Levitinlə də bir araya gəlib.

Moskvada keçirilən görüşlər Türkiyə xarici işlər nazirinin Rusiyadakı diplomatik təmaslarının əsas istiqamətlərindən biri kimi qiymətləndirilir. ]]> admin Tue, 16 Jun 2026 18:08:59 +0000 https://azturktv.az/index.php?newsid=37277 https://azturktv.az/index.php?newsid=37277 ]]>
MƏHƏBBƏT ALLAHVERDİYEV azturktv.az

Ermənistan ağıllı davranaraq səmimi şəkildə regional əməkdaşlıq platformasına qoşularsa, Turan dəhlizi (Zəngəzur dəhlizi - red.) onun iqtisadi təcriddən çıxışı üçün imkan qapısına çevrilə bilər.

azturktv.az Türkiyə mediasına istinadən xəbər verir ki, bunu Türkiyə Milliyyətçi Hərəkat Partiyasının (MHP) sədri Dövlət Bağçalı partiyasının parlament qrup toplantısında deyib.

Onun sözlərinə görə, Ermənistan yeni reallıqları nəzərə almasa və keçmişdən qalan xəyallardan əl çəkməsə, gələcəyi üçün yaranan imkanlardan məhrum olacaq.

D.Bağçalı bildirib ki, Ermənistan ya köhnə işğal təfəkkürü və diaspor çevrələrinin revanşist arzularının ardınca sürüklənəcək, ya da bölgədə yaranmış yeni reallığı qəbul edərək davamlı sülhü seçəcək:

"Bölgədəki yeni reallıq bəllidir: Qarabağ Azərbaycandır. Bu həqiqət həm döyüş meydanında qan bahasına, həm də danışıqlar masasında hüquqi müstəvidə təsdiqlənib. Köhnə işğal düşüncəsini yeni formalarda yaşatmaq yolları artıq bağlıdır. Normallaşma prosesinin müsbət nəticələnməsi yalnız Türkiyə və Azərbaycana qarşı tarixi düşmənçilik ritorikasından imtina edilməsi, bölgənin yeni reallıqlarının qəbul olunması, ədalət və əməkdaşlıq prinsiplərinə hörmət göstərilməsi ilə mümkündür. Azərbaycanın nailiyyətlərini zəiflədən, türk dünyasının qarşısında maneələr yaradan, ilhamını sovet dövrünün qalıqlarından alan heç bir formul uzunömürlü ola bilməz".

MHP lideri Zəngəzur dəhlizini Türkiyəni Azərbaycan vasitəsilə Türküstanla (Mərkəzi Asiya - red.) birləşdirəcək tarixi keçid kimi qiymətləndirib. ]]> admin Tue, 16 Jun 2026 18:06:52 +0000 https://azturktv.az/index.php?newsid=37276 https://azturktv.az/index.php?newsid=37276 ]]>
MƏHƏBBƏT ALLAHVERDİYEV azturktv.az

Türkiyə Azərbaycan və Ermənistan arasındakı sülh və normallaşma prosesində əldə olunan irəliləyişdən məmnundur.

azturktv.az xəbər verir ki, bunu Türkiyənin xarici işlər naziri Hakan Fidan rusiyalı həmkarı Sergey Lavrovla Moskvada birgə mətbuat konfransında deyib.

Onun sözlərinə görə, Lavrovla Cənubi Qafqazdakı son prosesləri də müzakirə ediblər:

"Həyata keçirilən sülh və normallaşma prosesinin regionumuza gətirəcəyi sabitliyin və regional əməkdaşlığın əhəmiyyətini bir daha təsdiq etdik. Azərbaycan və Ermənistan arasında sülh və normallaşma prosesində əldə olunan irəliləyişdən məmnunluq duyuruq".

H. Fidan deyib ki, proses çərçivəsində atılan addımlar bölgədə faktiki olaraq bərqərar edilən sülhün artıq praktik müstəvidə öz əksini tapdığını göstərir:

"İqtisadi müstəvidə qarşılıqlı əlaqələrin artırılması, nəqliyyat və ticarət marşrutlarının genişləndirilməsi, enerji və logistika sahələrində qarşılıqlı fayda prinsipi əsasında əməkdaşlığın inkişaf etdirilməsi regional sabitliyin əsasını təşkil edəcək. Cənubi Qafqaz məsələlərinin region ölkələri və yaxın qonşular tərəfindən dialoq və əməkdaşlıq əsasında həll edilməsinin vacibliyinə inanırıq. Bu baxımdan, "3+3" regional əməkdaşlıq platformasının mühüm əhəmiyyət daşıdığını düşünürük". ]]> admin Tue, 16 Jun 2026 18:04:51 +0000 https://azturktv.az/index.php?newsid=37275 https://azturktv.az/index.php?newsid=37275 ]]>
MƏHƏBBƏT ALLAHVERDİYEV azturktv.az

Ukrayna Prezidenti Volodimir Zelenski amerikalı həmkarı Donald Trampla görüşü zamanı antiballistik sistemlərin istehsalı üçün lisenziyaların alınması məsələsini müzakirə edib.

azturktv.az Ukrayna mediasına istinadən xəbər verir ki, Zelenski bu barədə Evian (Fransa) şəhərində keçirilən "Böyük Yeddilik" (G7) sammiti çərçivəsində Trampla görüşündən sonra jurnalistlərə bildirib.

"Mən bu məsələni qaldırdım, bu barədə Prezident Trampla danışdıq, komandalarımız işləyəcək. Ümid edirəm ki, bu dəfə müvafiq antiballistik sistemlərin və raketlərin istehsalı üçün lisenziyaları ala biləcəyik", – o bildirib.

Zelenski həmçinin bildirib ki, sammitin digər iştirakçıları ilə görüşləri zamanı Ukraynanın əlavə Hava Hücumundan Müdafiə (HHM) sistemlərinə ehtiyacı barədə danışıb:

"HHM məsələsində hər kəs kömək edəcək, G7-nin bütün iştirakçıları bizim müdafiəmizi gücləndirmək üzərində də işləyəcəklər. Biz həm sistemlər, həm də raketlər barədə danışdıq". ]]> admin Tue, 16 Jun 2026 18:02:33 +0000 https://azturktv.az/index.php?newsid=37274 https://azturktv.az/index.php?newsid=37274 ]]>
MƏHƏBBƏT ALLAHVERDİYEV azturktv.az
Oman və İran Hörmüz boğazında təhlükəsiz və azad gəmiçiliyin təmin edilməsinə dair beynəlxalq hüquq normalarına sadiq olduğunu bir daha vurğulayıb.

azturktv.az Omanın Xarici İşlər Nazirliyinə (XİN) istinadən xəbər verir ki, bu məsələ Oman və İranın XİN başçıları Bədr əl-Busaidi və Abbas Əraqçi arasında telefon danışığı zamanı müzakirə edilib.

Oman tərəfinin bəyanatına görə, bu yaxınlarda əldə edilmiş İran-ABŞ razılaşmaları kontekstində nazirlər gəmilərin Hörmüz boğazından azad və təhlükəsiz keçidinə münasibətdə beynəlxalq hüquq normalarına riayət olunmasının vacibliyini təsdiq ediblər.

Tərəflər həmçinin ümid edirlər ki, yaxın dövrdə prosesin bütün iştirakçıları siyasi-diplomatik səylərin irəliləməsi və regional sabitliyin möhkəmləndirilməsi üçün əlverişli şəraitin yaradılmasına töhfə verəcəklər.

]]> admin Tue, 16 Jun 2026 18:00:31 +0000 https://azturktv.az/index.php?newsid=37273 https://azturktv.az/index.php?newsid=37273 ]]>
MƏHƏBBƏT ALLAHVERDİYEV azturktv.az

Ermənistanın Baş Prokurorluğu ölkənin keçmiş prezidenti, "Ermənistan" blokunun lideri Robert Köçəryana qarşı cinayət təqibinin başlanmasına icazə verilməsi barədə vəsatətlə Mərkəzi Seçki Komitəsinə (MSK) müraciət edib.

"Report" Ermənistan mediasına istinadən xəbər verir ki, bu barədə MSK-nın mətbuat xidmətinin məlumatında bildirilib.

Köçəryandan başqa, deputatlığa namizədlər Asatur Köçəryan və Ruslan Barseqyana qarşı cinayət işinin başlanması imkanı da nəzərdən keçirilir.

Xatırladaq ki, daha əvvəl "Zvartnots" hava limanında Robert Köçəryanın ölkədən çıxışına qadağa qoyulub. ]]> admin Tue, 16 Jun 2026 17:58:06 +0000